Gemius Belarus: Biełaruskaja aŭdytoryja LJ paraŭnalnaja z achopam asobnych telekanałaŭ i radyjostancyj
Miesiačnaja aŭdytoryja papularnaj błohavaj płatformy skłała bolš za 270 tysiač čałaviek.
Pavodle źviestak praviedzienaha ŭ krasaviku 2010 hoda daśledavańnia biełaruskaj interniet‑aŭdytoryi, miesiačnaja aŭdytoryja samaj papularnaj u Biełarusi błohavaj płatformy Livejournal.com skłała bolš za 270 tysiač čałaviek (real users), što raŭniajecca 8,73% usich interniet‑karystalnikaŭ krainy.
Pra heta paviedamiŭ Michaił Daraševič, pradstaŭnik prajekta Gemius Belarus — ahienctva pa online‑daśledavańniach Centralnaj i Uschodniaj Jeŭropy.
Siaredniaja štotydniovaja aŭdytoryja Livejournal.com składaje bolš za 100.000 čałaviek, jakija prahladajuć zvyš 1.500.000 staronak.
Siaredniaja dzionnaja aŭdytoryja bolš čym 30.000 čałaviek.
U cełym biełaruskaja aŭdytoryja Livejournal.com suparaŭnalnaja z achopam asobnych telekanałaŭ i radyjostancyj, padkreśliŭ pradstaŭnik prajekta Gemius Belarus.
Pavodle danych daśledavańnia, pa hiendernym kryteryi biełaruskaja aŭdytoryja livejouranl.com padzialajecca nastupnym čynam: mužčyny składajuć 50,66%, ale žančyny bolš aktyŭnyja. Jany robiać bolš prahladaŭ (53,74%) i pravodziać bolš času anłajn (53,90%).
Samaja šmatlikaja ŭzrostavaja hrupa — 18‑24 hady (39,7%); druhaja pa kolkaści hrupa — ludzi va ŭzroście 25‑34 hady (27,71%) — samyja aktyŭnyja karystalniki, jakija robiać 40% prahladaŭ.
Ludzi z vyšejšaj adukacyjaj składajuć 52,08%, robiać 70% prahladaŭ i pravodziać bolš jak 70% času.
Bolšaść karystalnikaŭ składajuć studenty, śpiecyjalisty i mieniedžery siaredniaha źviana. Fryłansiery (1,91% (pa ŭsioj aŭdytoryi 1,11%) robiać bolš jak 7% prahladaŭ. Najbolš aktyŭnyja ludzi z dachodam ad 1 da 1,5 młn. biełaruskich rubloŭ i z dachodam bolš za 2 młn.
Bolšaść karystalnikaŭ livejournal.com byvajuć u interniecie štodnia (78,45%).
Terytaryjalna karystalniki hetaj błohavaj płatformy ŭ Biełarusi hałoŭnym čynam ź Minska (45,27%), jany robiać 70% prahladaŭ i pravodziać 70% času.
Takim čynam, aŭdytoryja Livejournal.com u Biełarusi — heta maładyja, adukavanyja ludzi, z vysokim uzroŭniem dachodu, jakija žyvuć u Minsku.
U cełym, pavodle danych krasavickaha daśledavańnia interniet‑aŭdytoryi, u Biełarusi naličvajecca 3 młn. 116 tys. 186 interniet‑karystalnikaŭ. U hetym vypadku havorka idzie pra ludziej, jakija karystajucca internietam choć by raz na miesiac.
Inšyja źviestki manitorynhu trendaŭ vykarystańnia internietu i źmianieńni ŭ jaho karystańni možna znajści pa adrasie: audience.by
***
Gemius Group — bujniejšaje ahienctva pa anłajn‑daśledavańniach u Jeŭropie. Bolš jak 10 hadoŭ kampanija daje nadziejnyja i dakładnyja danyja klučavym hulcam jeŭrapiejskich interniet‑rynkaŭ, uklučajučy ŭvieś rehijon Centralnaj i Uschodniaj Jeŭropy, SND, Aŭstryju, Vialikabrytaniju, Daniju, Izrail i Turcyju.
U Biełarusi Gemius pradstaŭleny z 2008 hoda i pravodzić statystyčnyja i markietynhavyja daśledavańni na zakaz i inicyjatyŭnyja prajekty, takija jak vyvučeńnie rynku elektronnaj kamiercyi, dačynieńnie karystalnikaŭ da roznych farmataŭ anłajn‑rekłamy i vymiareńnie aŭdytoryi Bajnietu.
Kamientary