U prahramie premjera śpiektakla «Damy i rycary pry Dvary Uładzisłava Jahajły» prydvornaha baletu «Cracovia Danza» z Krakava dy mnohaje inšaje.
U prahramie premjera śpiektakla «Damy i rycary pry Dvary Uładzisłava Jahajły» prydvornaha baletu «Cracovia Danza» z Krakava dy mnohaje inšaje.
Z 25 pa 27 červienia ŭ staražytnym Navahradku projdzie Piaty Fiestyval siaredniaviečnaj kultury «Navahradski zamak — 2010». Sioletni fiestyval budzie pryśviečany 600-hodździu Hrunvaldskaj bitvy. Kruhły stoł «Hrunvald u historyi Biełarusi» raspačnie fest 25 červienia ŭ piatnicu.
Čym ździvić «Navahradski zamak — 2010»? Arhanizatary padrychtavali niekalki siurpryzaŭ. Upieršyniu ŭ Biełarusi ŭ ramkach siaredniaviečnaha festu ŭ Navahradku projdzie etap Adkrytaha Kubka Jeŭropy pa histaryčnam fiechtavańni. Prydvorny balet «Cracovia Danza» z Krakava paraduje prem'raj śpiektakla «Damy i rycary pry Dvary Uładzisłava Jahajły». U prahramie taksama mastacka-histaryčny prałoh «Hrunvald-600» z udziełam artystaŭ teatra im. Ja Kupały i Nacyjanalnaha teatra opiery, dy insceniroŭka, pryśviečanaja histaryčnaj bitvy. I, naturalna, siaredniaviečnyja bojki, tancy, kuchnia, horad majstroŭ, batlejka i mnohaje inšaje.
Jašče adzin siurpryz mnohich haściej fiestyvalu naŭrad ci ŭzraduje: uvachod na šerah placovak budzie płatny — kvitki kaštujuć ad 15 da 25 tysiač rubloŭ.
Upieršyniu siaredniaviečny fest adbyŭsia ŭ Navahradku 10 hadoŭ tamu. Z taho času śviata rycaraŭ i damaŭ ładziłasia ŭ pieršaj stalicy VKŁ kožnyja dva hady čatyry razy. Z momantu apošniaha festu prajšło čatyry hady — taki pierapynak byŭ vyklikany niedachopam srodkaŭ. Niaprostym vydaŭsia i hety hod: Hrodzienščyna rychtujecca pryniać u siabie respublikanskija «Dažynki», u Hrodnie tolki adśviatkavali Fiestyval nacyjanalnych kultur. I tym nie mienš, «Navahradski zamak — 2010» adbudziecca. Navahradak zaprašaje!
Schiema novogrudok.by
Kamientary