Ukraina maje namier da kanca 2010 pavialičyć piensijny staž i piensijny ŭzrost dla žančyn.
Pra heta havorycca ŭ miemarandumie ŭkrainskich uładaŭ da Mižnarodnaha valutnaha fondu, nakiravanym u miežach adnaŭleńnia kredytnaha supracoŭnictva ŭ siaredzinie lipienia hetaha hodu.
Zhodna z dakumientam, da kanca vieraśnia 2010 płanujecca ŭnieści zakonaprajekt z metaj uviadzieńnia jaho ŭ dziejańnie da kanca hodu.
U im praduhledžvajecca pastupovaje pavieličeńnie piensijnaha ŭzrostu dla žančyn da ŭzroŭniu mužčyn — z 55 da 60 hadoŭ, dadajučy 6 miesiacaŭ štohod pačynajučy z 2010.
Akramia taho, zakonaprajekt budzie praduhledžvać pavieličeńnie minimalnaha terminu strachavańnia z 5 da 15 hadoŭ, pavieličeńnie na 10 hadoŭ kvalifikacyjnaha pieryjadu dla atrymańnia poŭnaj piensii, što pavinna stymulavać pracujučych daŭžej zachoŭvać pracazdolnaść.
Heta maje palepšyć zbałansavanaść piensijnaha fondu na 2 miljardy hryŭnaŭ u 2011.
Zhadany zakonaprajekt źjaŭlajecca strukturnym majakom prahramy supracoŭnictva z MVF, u miežach jakoj Fond płanuje vydzielić Ukrainie $ 15,3 młrd na praciahu 29 miesiacaŭ.
Taksama ŭkrainskaja ŭłada płanuje da kanca śniežnia hetaha hodu źmianić bazu naličeńnia piensij, praduhledzieŭšy ich dadatkovaje pavieličeńnie na 1% za kožny hod, adpracavany zvyš vyznačanaha terminu: 20 hadoŭ dla žančyn i 25 hadoŭ dla mužčyn.
Miarkujecca, što heta dazvolić skaracić vydatki piensijnaha fondu na 6,2 młrd hryŭnaŭ u 2011.
Jak viadoma, u studzieni, pierad prezidenckimi vybarami, Viktar Janukovič zajaŭlaŭ, što jon suprać pavieličeńnia piensijnaha ŭzrostu na 5 hadoŭ.
«Kab vyrašyć hetaje pytańnie, treba pryniać adpaviedny zakon. Parłamient na heta nikoli nie pojdzie, my heta nikoli nikomu nie dazvolim», — padkreślivaŭ jon.
Janukovič tady zajaŭlaŭ, što pavialičvać uzrost vychadu na piensiju vidavočna zaŭčasna: «Ciapier my nie majem maralnaha prava heta rabić… Ja na heta nikoli nie pajdu».
Ciapier čytajuć
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»5
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»
Aktor Toŭścikaŭ: Na pakazie, kali pryjšli zbolšaha rasijskija hledačy — publika śmiajałasia. A kali byli biełarusy, Cichanoŭskaja — stajała poŭnaja cišynia11
Kamientary