Kandydaty ŭ prezydenty Biełarusi na hetych vybarach zmohuć dadatkova kuplać efir na telebačańni i radyjo i vypuskać drukavanuju pradukcyju.
Kandydaty ŭ prezydenty Biełarusi na hetych vybarach zmohuć dadatkova kuplać efir na telebačańni i radyjo i vypuskać drukavanuju pradukcyju. Takaja mahčymaść źjavicca ŭ ich paśla taho, jak Centralnaja vybarčaja kamisija zaćvierdzić pałažeńnie ab indyvidualnym vybarčym fondzie kandydata ŭ prezydenty.
Pra heta siońnia, adkazvajučy na pytańnie našaha radyjo, paviedamiła staršynia Centravybarkamu Lidzija Jarmošyna.
Staršynia CVK skazała, što paradak napaŭnieńnia indyvidualnaha vybarčaha fondu jašče budzie vyznačacca. Ale asnoŭnyja parametry ŭžo viadomyja. Tak, maksymalny pamier fondu nia moža pieravyšać 3000 bazavych vieličyń.
Na siońniašni dzień heta 105 miljonaŭ rubloŭ, albo kala 35 tysiač dalaraŭ.
Jość i inšyja abmiežavańni, kaža Lidzija Jarmošyna: «Hałoŭnaja ŭmova — što heta sponsarskija hrošy hramadzian i arhanizacyj Respubliki Biełaruś. Zamiežnyja srodki (ad hramadzian, arhanizacyj albo zamiežnych dziaržaŭ), srodki ad biudžetnych arhanizacyj albo ad takich, jakija častkova finansujucca ź biudžetu, ad relihijnych arhanizacyj u dadzienyja fondy pastupać nie pavinny i nia mohuć».
Staršynia CVK patłumačyła, na jakija mety možna budzie skarystać hrošy sponsaraŭ:
«Heta mahčymaść kupli dadatkovaha efirnaha času, vyrab dadatkovaj drukavanaj pradukcyi, apłaty pracy tych asobaŭ, jakija buduć pracavać u pieradvybarnych štabach kandydataŭ. I ja spadziajusia, što heta zrobić vybarčuju kampaniju kandydataŭ bolš raznastajnaj».
Kamientary