Ale kamunalniki nie źbirajucca zdavać ofis BNF u arendu inšaj arhanizacyi.
Na sustrečy z namieśnikam staršyni Minharvykankama namieśniku staršyni BNF Ryhoru Kastusiovu namiaknuli, što BNF varta pačać šukać sabie novy ofis. Ź ciapierašniaha, na Mašerava 8, partyju buduć namahacca vysielić.
«Tam prysutničaŭ kiraŭnik adździeła pa ekspłuatacyi niežyłoha fondu. Adnaznačna mnie było skazana, što na 99,9% jany buduć sprabavać nas vysielić. Ja skazaŭ, što my budziem asprečvać u vyšejšych instancyjach, u sudovym paradku. Mnie skazali, što heta našaje prava. Ale adznačana, što rychtujciesia, šukajcie. Skazali, što jość inšyja mahčymaści atrymańnia ofisa, nie tolki dziaržaŭny. Tamu — «majcie na ŭvazie, što my budziem imknucca vas vysielić».
Pryčyna vysialeńnia, pa słovach čynoŭnikaŭ, u tym, što
Partyja BNF niekalki razoŭ parušyła termin apłaty arendy ŭ minułyja hady.
Ale addavać pamiaškańnie BNF niejkaj inšaj arhanizacyi nie źbirajucca, skazali ŭ ŽREA Savieckaha rajona Minska. Praŭda, tam nie vyklučajuć, što vysielić BNF adrazu nie atrymajecca.
«Kali atrymajecca i BNF vyzvalić pamiaškańnie ŭ dobraachvotnym paradku, hetyja płoščy ŽREA zabiare dla ŭłasnych patrebaŭ. A kali nie atrymajecca, i horad skaža pakinuć, dyk budzie siadzieć BNF, jak i siadzieŭ. Pytańnie hetaje (zdać u arendu pryvatniku) nie razhladajecca i razhladacca nie budzie».
Tym časam u BNF užo pačali dumać pra varyjanty pierajezdu.
«Jość mnoha alternatyŭnych varyjantaŭ. Ja ŭžo imi zajmajusia. Pakul rana pra ich kazać, tamu što heta tolki pieršyja sproby. Ale ja na miescy nie budu siadzieć i budu hetym ciesna i hłyboka zajmacca», — raspavioŭ Ryhor Kastusioŭ.
Damova arendy zakančvajecca 1 krasavika,
tamu kali praz sud nie atrymajecca jaje praciahnuć, dyk mahčyma, što na zvykłym Mašerava, 8 užo nie budzie siadziby BNF.
Byłoha supracoŭnika kontrraźviedki KDB aryštavali za zdradu dziaržavie9
Kamientary