Sud Maskoŭskaha rajona Bresta zadavoliŭ pazoŭ dziaržaŭnaj haziety «Znamia Junosti» suprać byłoha žurnalista haziety Alesia Leŭčuka.
Nahadajem, pa viersii žurnalista, redakcyja zapatrabavała ad jaho napisać vykryvalnickija materyjały pra padziei 19 śniežni 2010 na płoščy Niezaležnaści i ab alternatyŭnych kandydatach u prezidenty. Paśla taho jak jon admoviŭsia heta zrabić, jamu pryjšoŭ list z prapanovaj zvolnicca «pavodle ŭłasnaha žadańnia». Pra heta žurnalist napisaŭ u svaim błohu.
Pazoŭnik patrabavaŭ ad Alesia Leŭčuka apublikavać abviaržeńnie na staronkach haziety, a taksama apłacić sudovyja i transpartnyja vydatki.
— Heta pastanova, jakoje mnie vydali na ruki, faktyčna pierapisali z pazoŭnaj zajavy, — raspavioŭ Aleś Laŭčuk. — My z advakatam ličym, što było parušana majo kanstytucyjnaje prava na svabodu pierakanańniaŭ, i budziem padavać apielacyju ŭ abłasny sud.
Na praciahu siami dzion Aleś Laŭčuk i jahony advakat buduć čakać matyvirovačnaj častku sudovaha rašeńnia. Pakul žurnalist i jaho abaronca zaniatyja padrychtoŭkaj apielacyi.
Kali rašeńnie suda zastaniecca ŭ sile, to žurnalist budzie abaviazany apłacić 280 tysiač za publikacyju abviaržeńnia na staronkach «Znamia Junosti», 105 tysiač za padaču iskavaj zajavy z boku haziety i kala 700 tysiač — u jakaści kampiensacyi za transpartnyja vydatki.
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie6
Kamientary