U 1919 h. u niamieckim Vajmary była stvorana pieršaja mastakoŭskaja vučelnia. Jana rychtavała štukaroŭ dla pracy na pramysłovaści. Na čale Baŭhaŭzu staŭ słynny dojlid Valter Hropijus. Chutka centar pieraŭtvaryŭsia ŭ hałoŭnuju labaratoryju dyzajnu, mastactva j architektury Eŭropy. Siarod jahonych vykładčykaŭ byli Vasil Kandzinski, Mis van der Roe, Paŭl Kleje, Pit Mandryjan. Vielizarny ŭpłyŭ Baŭhaŭz zaznaŭ ź Biełarusi. Na kancepcyi j tvorčaje ich kreda niepasredna nakłaŭsia adbitak Viciebskaje škoły: Maleviča, El Lisickaha, paźniej — Bułhaka j Streminskaha.
Adkryćcio vystavy ŭ Muzei sučasnaha mastactva. Performans Alaksieja Fiodarava i Andreja Šaparava.
Fota Andreja Lankieviča
Fatohraf, padobna ŭsiakamu mastaku, zadajecca metaj uznavić nia sami rečy bačnaha śvietu, a svajo asabistaje ŭražańnie, svajo ŭsprymańnie ich.
Jan Bułhak
Vystavu «Fatahrafija Baŭhaŭzu» ŭ Muzei sučasnaha mastactva ŭ Miensku naviedaŭ Siarhiej Chareŭski.
U 1919 h. u niamieckim Vajmary była stvorana pieršaja mastakoŭskaja vučelnia. Jana rychtavała štukaroŭ dla pracy na pramysłovaści. Na čale Baŭhaŭzu staŭ słynny dojlid Valter Hropijus. Chutka centar pieraŭtvaryŭsia ŭ hałoŭnuju labaratoryju dyzajnu, mastactva j architektury Eŭropy. Siarod jahonych vykładčykaŭ byli Vasil Kandzinski, Mis van der Roe, Paŭl Kleje, Pit Mandryjan. Vielizarny ŭpłyŭ Baŭhaŭz zaznaŭ ź Biełarusi. Na kancepcyi j tvorčaje ich kreda niepasredna nakłaŭsia adbitak Viciebskaje škoły: Maleviča, El Lisickaha, paźniej — Bułhaka j Streminskaha.
Uzory rečavaha j palihrafičnaha dyzajnu Baŭhaŭzu vyroźnivaje impetnaść i rytmičnaść, śviedamy minimalizm. Ich stvaralniki najpierš kanstrujavali rečy, vyjaŭlajučy ichnuju sutnaść, a zatym jaje ŭtryravali. U vyniku mebla, posud, tekstyl, stvoranyja ŭ Baŭhaŭzie, stali šedeŭrami estetyčnaje dumki j ułasna taho, što my siońnia zaviom dyzajnam. Jany zrabili revalucyju nia tolki ŭ pramysłovaj vytvorčaści, ale j u mastackim myśleńni ŭsiaho śvietu. Pa pierajeździe ŭ Desaŭ pry vučelni była stvoranaja j admysłovaja majstroŭnia dla fatohrafaŭ. Jaje paŭstańnie źviazanaje ź imionami vuhorskich tvorcaŭ Łasła Mochaj-Nadziem i Lučyi Mochaj. U 1929 h. u Baŭhaŭzie było adkrytaje admysłovaje navučalnaje adździaleńnie fatahrafii, druhoje ŭ śviecie paśla Vilni. Tutaka pracavali słavutyja fotamastaki Erych Kazenmiuller, Luks Fajninhier, Oskar Šlemmer. Vializarnymi padziejami stali «Vystava fatahrafijaŭ baŭchaŭzcaŭ» 1928 hodu, a zatym vystavy Kazenmiullera j berlinskaja fotavystva raślinaŭ «Pieršasnyja formy mastactva», što pakazaŭ Karł Blosfeld. A paśla ŭtvareńnia fatahrafičnaha adździaleńnia z Valtaram Peterschansam na čale, Baŭchaŭz pieraŭtvaryŭsia ŭ viadučy centar tahačasnaje eŭrapiejskaje fatahrafii.
Za hady svajho isnavańnia ŭ mižvajennaj Niamieččynie Baŭhaŭz nia tolki zapačatkavaŭ novyja žanry j vidy fatahrafii, ale j pieraŭtvaryŭsia ŭ sapraŭdnuju internacyjanalnuju kuźniu kadraŭ tahačasnaha fotamastactva.
Vystava «Fatahrafija Baŭhaŭzu», što prachodzić u Muzei sučasnaha mastactva ŭ Miensku, demanstruje tuju hlabalnuju rolu, što adyhrała vučelnia. Takoha maštabu j jakaści ekspazycyi ŭ našym krai — redkaść. Dla vystavy byli adabranyja pracy maksymalnaje kolkaści mastakoŭ. Siarod ich jość i dobra viadomyja ŭ śviecie rečy, a jość i małaviadomyja navat admysłoŭcam imiony j tvory. Šedeŭry miažujucca ź niečakana cikavymi niaznanymi ŭ nas tvorami. U vyniku my možam jašče raz pierakanacca ŭ tym, jakuju vializarnuju kamunikatyŭnuju funkcyju vykonvaje fota j nakolki raznastajnymi j niečakanymi mohuć być sfery jaho ŭžytku.
Siońniašniaja vystava — adna z samych važnych kulturnych padziejaŭ 2006 hodu. Hetym razam śviatło zaźziała z Zachadu. Za Mienskam nastanie čarha Mahilova. A zatym, nasupierak ruchu Sonca, vystava adpravicca ŭ Maskvu.
«Dyk dadomu zabiary ałkaša abascanaha i vychodžvaj». Małady zahadčyk adździaleńnia balnicy nie strymlivaje siabie ŭ vyrazach u sacsietkach24
Kamientary