Matyvam dla zvarotu stała «pačućcio abražanaha čałavieka, što zaŭsiody vieryŭ u ideały, jakija niaredka ahučvali zachodnija palityki».
Mikałaj Čarhiniec nakiravaŭ zvarot da pradstaŭnikoŭ jeŭrapiejskaj hramadskaści z pratestam suprać pryniaćcia śpisaŭ, jakija zabaraniajuć ujezd u ES asobnym hramadzianam Biełarusi. Sam piśmieńnik śćviardžaje, što matyvam dla zvarotu stała «pačućcio abražanaha čałavieka, što zaŭsiody vieryŭ u ideały, jakija niaredka ahučvali zachodnija palityki».
Pra jahony list paviedamlaje łukašenkaŭskaje ahienctva BiełTA.
Mikałaj Čarhiniec ličyć, što jeŭračynoŭniki, abmiežavaŭšy prava na ŭjezd, praihnaravali pałažeńni šmatlikich mižnarodnych dakumientaŭ, u tym liku Usieahulnaj dekłaracyi pravoŭ čałavieka, dzie abviaščajecca, što kožny čałaviek maje prava na svabodu dumak, sumleńnia, relihii, a taksama na svabodu pierakanańniaŭ i svabodnaje ich vykazvańnie.
Zabaronu na ŭjezd dla žurnalistaŭ i pradstaŭnikoŭ biełaruskaj intelihiencyi piśmieńnik rasceńvaje jak sprobu pazbavić ich prava na svabodu dumki i vykazvańnia svaich pierakanańniaŭ.
Na jaho dumku, takija śpisy «źnievažajuć čałaviečuju hodnaść nie tolki tych, čyje proźviščy ŭ ich uklučanyja, ale i samich čynoŭnikaŭ, jakija prymajuć hetyja źnievažalnyja rašeńni».
«Pamyłka Jeŭrasajuza ŭ tym, što jaho kiraŭniki pavieryli nievialikaj hrupie hramadzian Biełarusi, jakija sprabujuć uziać uładu nie z dapamohaj svajho talentu, pracy, viedaŭ, aktyŭnaha ŭdziełu ŭ stvaralnaj pracy naroda, a šlacham šantažu, paklopu na hramadstva»,— padkreśliŭ Mikałaj Čarhiniec, dadaŭšy, što mienavita hetaja hrupa hramadzianaŭ zajmałasia składańniem «čornych» śpisaŭ, uklučajučy ŭ ich «niepažadanych» ludziej, da jakich jany adčuvajuć asabistuju niepryjaznaść i chočuć źvieści asabistyja rachunki.
U jakaści najbolš dziejsnaha adkazu ź biełaruskaha boku na rašeńni ES piśmieńnik prapanavaŭ skłaści anałahičnyja śpisy našych hramadzian,
jakija sadziejničali jeŭračynoŭnikam u vybary kandydatur, i zabaranić im vyjezd ź Biełarusi. «Pavinny ž jany panieści niejkaje pakarańnie za paklop na naš adras i padman čynoŭnikaŭ i parłamientaryjaŭ Jeŭropy!»— adznačyŭ Mikałaj Čarhiniec.
Svoj zvarot jon nakiravaŭ u mižnarodnyja miždziaržaŭnyja arhanizacyi, u pryvatnaści ŭ Radu Jeŭropy, Jeŭraparłamient, Jeŭrapiejskuju kamisiju, AAN, a taksama ŭ mižnarodnyja niaŭradavyja arhanizacyi — miedycynskuju humanitarnuju arhanizacyju «Daktary bieź miežaŭ», Upaŭnavažanamu pa pravach čałavieka Rasii, arhanizacyju «Reparciory bieź miežaŭ» i Mižnarodnuju supolnaść adukacyjnych technałohij.
Nakont parušeńniaŭ pravoŭ čałavieka ŭ Biełarusi Čarhiniec nikoli nie vykazvaŭsia. U śniežni jon uchvalna i z kpinaju adkamientavaŭ aryšt svajho kalehi-piśmieńnika Uładzimira Niaklajeva.
Ciapier čytajuć
Što aznačaje rasśledavańnie Mižnarodnaha kryminalnaha suda dla Łukašenki i biełarusaŭ? Tłumačyć Kaciaryna Dejkała5
Kamientary