Praces Sańnikava. Dzień siomy. Sudździa adchiliła chadajnictva ab dopycie Iryny Chalip
Praciahniecca dopyt śviedkaŭ. Bandarenki i Chalip na pracesie nie budzie.
18:15
Sud praciahniecca zaŭtra a 10 ranicy.
16:32
Znoŭ viarnulisia da prahladu videamateryjałaŭ, jakija pačynali hladzieć jašče u čaćvier. Televizar paviornuty da sudździ i prakurora, ludziam u zale ničoha nie bačna.
16:07
Dapytvajuć Ihara Askierku. Jašče adzin čałaviek z kamandy Sańnikava.
15:55
«My pryjšli śviatkavać pieramohu. My viedali, što naš kandydat vychodzić u druhi tur», — kaža Juryna. «Było zachapleńnie, što nas stolki narmalnych».
15:43
Nastupny śviedka — Halina Juryna. Piensijanierka. Pryjšła na sud ź siniaj stužačkaj «Jeŭrapiejskaj Biełarusi». Jana taksama była davieranaj asobaj Andreja Sańnikava.
15:36
Kazłoŭski kaža, što «armaturaj užo nie vajujuć navat u Afrycy».
15:34
«Kali Sańnikaŭ prapanavaŭ stać davieranaj asobaj, to ja prajaśniaŭ jahonyja pazicyi. Tady my havaryli, što hvałtoŭnaha raźvićcia padziejaŭ być nie moža, — kaža Kazłoŭski. — Ni na adnoj sustrečy jon nie zaklikaŭ da hvałtoŭnaha źviaržeńnia ŭłady. Ja tam prysutničaŭ, viedaju».
«Pra rydloŭki — heta nam nie śmiešna. Pravakacyja padrychtavanaja krajnie niaŭmieła, ale zmahli padstavić Andreja Alehaviča».
15:27
Kazłoŭski raskazvaje pra dośvied pracy z Andrejem Sańnikavym. «Hramatny, prystojny čałaviek, dobry śpiecyjalist», — kaža Pavieł Paŭłavič.
«Jon byŭ hodny stać prezidentam Biełarusi».
15:19
Nastupny śviedka — Pavieł Kazłoŭski. Pieršy ministr abarony niezaležnaj Biełarusi. Kazłoŭski znajomy z Sańnikavym z 1991 hoda.
15:11
Nastupny śviedka — Ihar Pałujan. Dyrektar AAT «Hrand Fort». Na praśpiekcie Niezaležnaści majucca dva punkty prodažu pradpryjemstva.
Kaža, što pradaŭcy prasili začynić mahazin raniej, bo nie było pakupnikoŭ. A jašče zajšli niejkija ludzi, jakija rekamiendavali začynić raniej. Chto jany takija, śviedka nie znaje.
«U niadzielu vyručki byli nievialikija i tak, a ŭron i ŭpuščanuju vyhadu ja ličyć nie źbirajusia», — kaža Pałujan.
«Začynili na hadzinu raniej — ničoha strašnaha ŭ hetym ja nie baču».
14:52
«Uvieś narod viedaŭ, što budzie mitynh». Siarhiej kaža, što na katku nichto nie kataŭsia. Sam jon z «Maładoha fronta».
«Na akcyi vystupali praktyčna ŭsie kandydaty, aproč Łukašenki i Ciareščanki», — słovy junaka vyklikali śmiašok u zali.
14:43
Pakazańni daje Pavieł Siarhiej. Niepaŭnaletni. Z Maładziečna. Viedaje Uładzimira Jaromienka, bo «bačylisia niekalki razoŭ».
14:31
Dalidovič kaža, što jamu nanieśli ŭdar u tvar. «Udar byŭ mocny, što zašatalisia nižnija zuby». Čym bili, paciarpieły nie viedaje.
Raskazvaje žachi, jak žaleznaja śmietnica trapili ŭ ščyt. «Vudami, u asnoŭnym, pa šałomam bili». Kaža, što byŭ ahnietušyciel. «Butelkam, pa chodu z vadoj, kidalisia».
14:25
Na pracesie źjaviŭsia paciarpieły Jury Dalidovič, śpiecnazaviec. 19 śniežnia z 16:00 da 22:00 znachodzilisia ŭ słužbovym transparcie za Pałacam respubliki. Potym ich pierakinuli za Čyrvony kaścioł.
«My zaniali pazicyju 3–5 mietraŭ ad prystupak Doma ŭrada. Stajali, čakali. Na nas łajalisia matam, žesty roznyja pakazvali, sprabavali pastavić padnožki, kidalisia śniežkami, nahami sprabavali ŭ ščyty pichnuć. Było ślizka, tamu niekatoryja padali», — raskazvaje Dalidovič.
«Pierad mnoj znachodzilisia ludzi hadoŭ 35 u dublonkach, mocnyja ludzi. U adzin momant jany ŭzialisia za ruki i pačali nahami bić pa našych ščytach, chacieli nas parvać. Zzzadu taksama pačaŭsia praryŭ»
14:16
Praces adnaviŭsia. Źjaviŭsia jašče adzin paciarpieły, a taksama śviedka. Zajaŭleny dva śviedki z boku abarony.
Fiodar Mirzajanaŭ zajaŭlaje chadajnictva ab mahčymaści prysutničać na sudzie maci i svajakoŭ, jakija byli vydalenyja raniej.
«Maje siabry nie mohuć trapić u zał, bo niejkija padonki zajmajuć try apošnija šerahi», — skazaŭ Mirzajanaŭ. Sudździa Čaćviartkova vyniesła jamu papiaredžańnie.
Adzin z chłopcaŭ na zadnim šerahu: «Ja b z radaściu syšoŭ». «Dyk čaho siadzicie?» Paciskajuć plačyma.
Sudździa nie dazvoliła maci Mirzajanava bolš prysutničać na pracesie.
13:01
Abvieščany pierapynak da 14:10.
12:34
Voŭčak kaža, što milicyja była abaviazanaja pierapynić bićcio škła. Heta ŭvachodzić u ich abaviazki.
Aleh bačyŭ Rymašeŭski, jaki sprabavaŭ vyvieści ludziej, kab jany nie bili vokny Doma ŭrada.
12:25
«U mitynhu było šmat ludziej z vyšejšaj adukacyjaj. Usie byli adkrytymi, niejkich masak, vialikich sumak nie było», — kaža A.Voŭčak.
«Nasta Pałažanka padbiehła da kandydataŭ. Jana skazała, što bjuć škło, i heta nie našy. Kandydaty skazali, što heta pravakacyja i nie treba iści da dźviarej. Na hanku było nie bolš za piatnaccać čałaviek», — raskazvaje pravaabaronca.
«Chłopcy, što bili škło nanosili prafiesijnyja ŭdary, ja heta kažu, jak udzielnik vajny ŭ Afhanistanie. Škło tam nie takoje, kab raźbić z adnaho ŭdara».
12:13
Nastupny śviedka — pravaabaronca Aleh Voŭčak. Jon byŭ siabram inicyjatyŭnaj hrupy Andreja Sańnikava. Kaža, što bačyŭ Mirzajanava na hanku Doma ŭrada.
Prykładna ŭ 19:45 Voŭčak byŭ na Płoščy. Kali daviedalisia pra źbićcio Niaklajeva, to pačali vyšukvać u natoŭpie pravakataraŭ. «Ich lohka vyličyć: čornaja kurtka, spartyŭnaje adzieńnie, navušnik, šapačka». Voŭčak bačyŭ na Płoščy supracoŭnikaŭ «Ałmaza».
«Charaktar akcyi byŭ śviatočny».
11:53
Tankačova začytvaje mižnarodny dakład Niła Džarmana pa biełaruskich vybarach. Pavodle jaho acenki, nielha kvalifikavać dziejańni 19 śniežnia, jak masavyja biesparadki. Dakład byŭ dadadzieny da materyjałaŭ spravy, choć prakuror byŭ suprać.
11:35
«Havorka išła pra mirnyja pieramovy z
11:25
Tankačova kaža pra hučnuju muzyku, što hrała na Kastryčnickaj. Vystupy kandydataŭ u prezidenty byli niačutnyja.
Pravaabaronca havoryć pra «lohki łancuh z supracoŭnikaŭ DAI». Ich było prykładna 25 čałaviek.
«Kali ludzi vyjšli na praśpiekt, to kandydaty jašče znachodzilisia na prystupkach Doma prafsajuzaŭ», — havoryć Tankačova.
«Heta była vidavočna mirnaja akcyja, jakaja nie niesła nastrojaŭ ahresii. Akcyja była vielmi akuratnaj».
11:19
Spn. Tankačova raskazvaje, što siedziačy ŭ kaviarni atrymała zvanok ab źbićci kandydata ŭ prezidenty Uładzimira Niaklajeva. Prykładna praź dziesiać chvilin jana była la
Tankačova viarnułasia na Kastryčnickuju z hrupaj ludziej. Heta było prykładna, a 20:30. «Płošča była poŭnaściu zapoŭnienaja ludźmi. Mnie ciažka skazać kolki było ludziej, ale paradku 10 tysiač».
11:15
Tankačova pryjechała na Płošču raniej za pačatak akcyi. Prykładna, a 18:30. Kaža, što ŭ toj čas u dvarach było mnoha śpiectechniki. Paśla ahladu terytoryi Tankačova nakiravałasia ŭ kaviarniu «Bize». Pry hetym jana pabačyła, što stancyja mietro «Kupałaŭskaja» ŭ hety čas była začynienaja.
11:08
Tak i niajasna ź jakoj metaj vyklikali Panasika. Dopyt praciahnuŭsia chviliny try.
Pačynajecca dopyt śviedkaŭ abarony. Pieršaja ź ich pravaabaronca Alena Tankačova.
11:03
Nastupny śviedka — Ihar Panasik. Pradstaŭnik pryvatnaha pradpryjemtsva «AŭtaMobili». Viedaje Jaromienka, jaki zdymaŭ u jaho kvateru.
10:57
Zaklikaŭ da supraćpraŭnych dziejańniaŭ Kisłoŭ nie čuŭ, u tym liku da zachopu Doma ŭrada.
10:48
Mašyna z Kisłova jechała za šeściem demanstrantaŭ, što išli pa praśpiekcie Niezaležnaści. «Tekst pračytaŭ
10:41
Jaki vy vyjazdžali z Płoščy, papytałasia sudździa, kał škło było zaviešanaje ściaham?
«Kiroŭca adkryŭ fortku, vysunuŭsia ŭ jaje i tak źjechaŭ», — kaža Karalkoŭ.
Kirył Kisłoŭ, jašče adzin staršy inśpiektar HUUS Minharvykankama. Na Płoščy Kisłoŭ vykonvaŭ tyja ž funkcyi, što i Karalkoŭ.
10:34
Łabavoje škło mašyny, dzie znachodziŭsia Karalkoŭ, było zaviešanaja
«Było vyznačana miesca, dzie mnie znachodzicca. Kankretnaje miesca», — havoryć Karalkoŭ, kali tłumačyć čamu ad samaha pačatku znachodziŭsia blizu płoščy Niezaležnaści.
Karalkoŭ ahučvaŭ papiaredžańnie «maksimum piać chvilin».
10:30
Dopyt Juryja Karalkova, HUUS Minharvykankama, staršy inśpiektar. Na Kastryčnickaj płoščy Karalkoŭ nie byŭ. Ad 19:00 znachodziŭsia na vulicy Savieckaj u mašynie z hukaŭzmacnialnaj technikaŭ, praź jakuju papiaredžvaŭ pra adkaznaść za ŭdzieł u vuličnaj akcyi. Ahučvaŭ
10:22
Halijeŭ pytajecca, ci vyčarpalnaj była ekśpiertyza. «My majem prava aceńvać stupień ciažkaści pa miedycynskim dakumientam», — kaža Maruš.
«Była zafiksavanaja hiematoma levaha biadra. Heta dastatkova dla fiksacyi cialesnaha paškodžańnia», — kaža ekśpiert.
Na miedycynskaj daviedcy Kaštałanava staić prosta štamp balnicy. Nieviadoma, chto z daktaroŭ zaćvierdžvaŭ hetuju traŭmu.
10:18
Dopyt dziaržaŭnaha miedycynskaha ekśpierta Viktoryi Maruš. Dośvied pracy — 15 hadoŭ.
Pytacca jaje pačynaje advakat Alaksandr Halijeŭ. Vyśviatlajecca, što paciarpieły Kaštałanaŭ na ekśpiertyzu nie źjaŭlaŭsia.
10:13
Siońnia zała zapoŭnienaja nie całkam. Try apošnija šerahi zajmajuć
10:07
Praces adnaŭlajecca ź nievialikim spaźnieńniem. Sakrtarka adrapartavała, što na praces źjaviŭsia ekśpiert, a taksama dvoje śviedkaŭ.
Sudździa Čaćviartkova razhladaje chadajnictva advakataŭ Sańnikava ab dopycie Bandarenki, Chalip i Karziuka (načalnika minskaha DAI). Sudździa chadajnictva adchiliła.
Advakat Kavaleŭskaja zajaŭlaje ab udziele ŭ pracesie novych śviedkaŭ. Siarod ich Alena Tankačova i Aleh Voŭčak.
***
U Partyzanskim sudzie stalicy praciahvajecca praces nadeks-kandydatam u prezidenty Andrejem Sańnikavym i šarahovymi ŭdzielnikami akcyi 19 śniežnia Fiodaram Mirzajanavym, Illom Vasilevičam, Aleham Hniedčykam i Uładzimiram Jaromienkam.
Sańnikava abvinavačvajuć u padrychtoŭcy masavych biesparadkaŭ, astatnich — va ŭdziele ŭ biesparadkach.
Siońnia praciahniecca dopyt śviedkaŭ. U piatnicu advakaty Sańnikava chadajničali ab prysutnaści na sudzie śviedkaŭ Źmitra Bandarenki (asudžany) i Iryny Chalip (pad chatnim aryštam).
U zalu suda nie dapuścili mamu Fiodara Mirzajanava Ludmiłu, a taksama jahonaha dziadźku, byłoha kontrraźviedčyka Siarhieja Aniśku, bo jany vydalenyja z pracesu ŭ piatnicu.
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać6
Kamientary