U Miensku adkryŭsia źjezd praŭładnaha sajuzu piśmieńnikaŭ. Na im vystupili Čarhiniec, Rubinaŭ i Maćviajčuk. Usie pa-rasiejsku.
Paviedamlaje BiełTA:
Sajuz piśmieńnikaŭ Biełarusi adradžaje tyja idei i tradycyi, jakija zakłali ŭ asnovu piśmieńnickaj arhanizacyi Biełarusi Janka Kupała i Jakub Kołas. Ab hetym zajaviŭ 22 śniežnia staršynia SPB Mikałaj Čarhiniec, vystupajučy ŭ Minsku na źjeździe hramadskaj arhanizacyi.
Pavodle słoŭ Mikałaja Čarhinca, za hod, jaki minuŭ paśla stvareńnia Sajuza piśmieńnikaŭ Biełarusi, kolkaść jaho členaŭ pavialičyłasia amal utraja i składaje ciapier bolš jak 300 čałaviek. Stvorana arhanizacyjnaja struktura SPB, pryčym nie tolki ŭ Minsku, ale i ŭ rehijonach. Kolkaść rehijanalnych adździaleńniaŭ SPB vahajecca ad 20 u Mahiloŭskaj vobłaści da 31 u Viciebskaj i Homielskaj abłaściach.
Mikałaj Čarhiniec asabliva adznačyŭ padtrymku, jakuju akazvaje piśmieńnickaj arhanizacyi biełaruskaja dziaržava. «My chočam rabić dobryja knihi i chočam, kab dziaržava nas u hetym padtrymlivała», ‑ zajaviŭ jon.
Kiraŭnik SPB padkreśliŭ, što pa vinie kiraŭnictva papiaredniaha biełaruskaha Sajuza piśmieńnikaŭ dziejnaść nacyjanalnaj piśmieńnickaj arhanizacyi akazałasia praźmierna palityzavanaj. «Za apošnija 15 hadoŭ, skažam ščyra, litaratura pa vinie Sajuza piśmieńnikaŭ, i ŭ pieršuju čarhu jaho kirujučych viarchoŭ, stała svojeasablivym «vostravam zabyćcia», dzie pravili bal praciŭniki prahresu, jakija pałochali niepryznańniem dziaržaŭnaści i zabyli, što takoje litaratura i tvorčaść u imia intaresaŭ naroda», ‑ skazaŭ Mikałaj Čarhiniec.
U dvuchdzionnym źjeździe Sajuza piśmieńnikaŭ Biełarusi prymajuć udzieł 302 delehaty z usich rehijonaŭ krainy. Taksama na źjezd prybyli piśmieńniki i piśmieńnickija delehacyi z 11 krain, u tym liku Bałharyi, Hiermanii, Łatvii, Litvy, Małdovy, Polščy, Rasii, Sierbii, Siryi, Ukrainy i Estonii. Pryvitańnie źjezdu nakiravaŭ Prezident Respubliki Biełaruś Alaksandr Łukašenka. U rabocie piśmieńnickaha forumu ŭdzielničajuć pradstaŭniki Administracyi prezidenta, kiraŭniki ministerstvaŭ i viedamstvaŭ respubliki, zamiežnyja dypłamaty.
Źjezd SPB zavieršyć rabotu 23 śniežnia.
Tym časam ad udzielnikaŭ stała viadoma:
Na źjeździe vystupili Mikałaj Čarhiniec, namieśnik kiraŭnika Administracyi prezydenta Anatol Rubinaŭ, ministar kultury Ŭładzimir Maćviajčuk. Usie pa-rasiejsku. Na źjezd dasłali taksama sotni kursantaŭ i siabroŭ BRSM z stalicy.
Ciapier čytajuć
Palaki kuplajuć damy ŭ Biełarusi — cikaviacca, ci chopić na žyćcio jeŭrapiejskaj piensii, i radujucca śmiešnym vydatkam9
Kamientary