U Hrodna chapun +anłajn

U Hrodna ludzi nie zmahli sabracca ni na płoščy Savieckaj, ni na Lenina, paviedamlaje žurnalist Vacłaŭ Halimski.

Z hetaj pryčyny ludzi stali źbiracca na vulicy Savieckaj z abodvuch bakoŭ. Kali natoŭp staŭ dastatkova vialikim, udzielniki pačali chłopać u dałoni.

Milicyja niekalki razoŭ papiaredžvała pra niesankcyjanavanaść akcyi. Tym nie mienš, ludzi skiravaliŭsia ŭbok płoščy Lenina. U hety čas da ich padjechała dva aŭtobusy milicyi.

Pavodle śviedkaŭ, zatrymana minimum 20 čałaviek. Ciapier ich advieźli ŭ Hrodzienskuju rajonnuju milicyju. Siarod zatrymanych Hražyna Šałkievič, Eduard Dmuchoŭski.

U akcyi ŭdzielničała niekalki sotniaŭ čałaviek.

***

Anłajn na sajcie haziety «Viečiernij Hrodno» (byŭ źniaty z sajta vydańnia nieŭzabavie paśla publikacyi):

19.10

Kala «Ratušnaha» (krama na rahu vulicy Savieckaj, što pobač z Savieckaj płoščaj — nn.by) byŭ zaŭvažany kiraŭnik vobłaści Siamion Šapira. Jon vyjšaŭ z mašyny i ŭ supravadžeńni milicyjanta padyšoŭ da hrupy ludziej u cyvilnym. Pra štości ź imi pahavaryŭ, a zatym źjechaŭ.

Da hetaha času narod stajaŭ nie tolki la kramy, ale i na placoŭcy, jakaja prylahaje da budynka byłoha doma Prafsajuzaŭ.

U hety čas pa vulicy Savieckaj špacyravała davoli šmat haradžan. Jany išli jak u bok płoščy Savieckaj, tak i ŭ bok płoščy Lenina. Mnohija ździŭlena hladzieli na natoŭp. Toj, chto sustrakaŭ tut znajomych, cikaviŭsia: «Čamu ŭ hetym miescy sabrałasia tak šmat ludziej?»

19.22

Ludziej dadałosia. Zaraz ich nie mienš trochsot. Ludzi stajać navat uzdoŭž mietaličnych turnikietaŭ, jakija aharodžvajuć płošču Savieckuju, kudy praktyčna nikoha nie puskajuć. Było zaŭvažana troje ludziej u cyvilnym, jakija zdymajuć toje, što adbyvajecca na videakamieru.

19.30

Usie pačali plaskać i kryčać «U-u-u!» Milicyjant źviarnuŭsia da natoŭpu i dva razy skazaŭ, što svaimi pavodzinami hramadzianie parušajuć zakon RB i mohuć panieści administracyjnuju adkaznaść. Natoŭp rušyŭ u bok ŭniviermaha.

19.35

Na vulicu Savieckuju pryjechała try aŭtobusy ź mihałkami. Tam byli ludzi ŭ cyvilnym.

Ludzi ŭ cyvilnym załamali ruki i zaviali niekalki čałaviek u aŭtobus. Byli čutnyja kryki.

A ŭ hety čas kala kinateatra «Hrodna» pierakryli darohu. Narod stajaŭ i nie supraciŭlaŭsia, ale ŭžo nie plaskaŭ.

19.40

Apładysmienty pačalisia kala ŭniviermaha. Ludzi iduć u bok płoščy Lenina. Tyja, chto išoŭ im nasustrač, taksama pačynali plaskać. Niezvyčajna paviali siabie vuličnyja muzyki, jakija pačali raskidvać hrošy. Dzieci stali ich źbirać.

U natoŭpie byli zaŭvažany i maładyja ludzi, i bolš darosłaje pakaleńnie. Byli navat baćki z maleńkimi dziećmi. Mnohija ź ich plaskali ŭ ładki, a zatym adpraŭlalisia da prapusknych punktaŭ, kab prajści na płošču Lenina, dzie ŭ hety čas prachodzić kancert.

Acanić, kolki było kala ŭniviermaha čałaviek, dosyć składana. Była zapoŭnienaja ŭsia vulica.

• 0
• 0
• 0
• 0
• 0
• 0
• 0
• 0