«My patrabujem spynić cisk i pravakacyi»: startavała inicyjatyva ŭ abaronu Bandarenki, Daškieviča i Lichavida
Arhanizatary zaznačajuć: "Prosim vas nie zastacca abyjakavymi da losu palitviaźniaŭ u našaj krainie".
Tekst zvarotu źmieščany ŭ fejsbuku viadomaha muzykanta i błohiera Paŭła Arakielana.
U zvarocie zaznačajecca:
«Darahija suajčyńniki! My, nižejpadpisanyja, prosim vas nie zastacca abyjakavymi da losu palitviaźniaŭ u našaj krainie.
Adzin ź ich — Źmicier Bandarenka.
Źmitru była patrebnaja składanaja apieracyja na chrybietniku, paśla jakoj patrabujecca doŭhaja reabilitacyja, ale ŭłady vyrašyli katavać biezdapamožnaha čałavieka i abmiežavali adnaŭleńnie tolki dvuma tydniami, čym faktyčna padpisali „viaźniu sumleńnia“ čarhovy prysud — invalidnaść.
Nam ža z vami prapanujuć moŭčki ŭdzielničać u hetym śpiektakli nialudskaści i žorstkaści.
My jašče raz źviartajemsia da suśvietnaj hramadskaści i, u pieršuju čarhu, da vas, darahija Biełarusy:
Zrobim usio mahčymaje, kab Źmitru Bandarenku akazali kvalifikavanuju dapamohu pry reabilitacyi. Jašče raz zaklikajem da spraviadlivaści ułady na miescach — u rešcie rešt, ad ich patrabujecca tolki vykanać zakony i nie pieraškadžać pracavać vysokaprafiesijnym miedycynskamu składzie Minskaj haradskoj kliničnaj balnicy № 5.
Hetaksama my patrabujem spynić cisk i pravakacyi suprać Źmitra Daškieviča i Mikity Lichavida, žyćcio i zdaroŭje jakich
Źmicier Bandarenka, Źmicier Daškievič i Mikita Lichavid pryznanyja mižnarodnymi pravaabarončymi arhanizacyjami „viaźniami sumleńnia“, h.zn. niezakonna asudžanymi pa palityčnych matyvach.
Prykładziem usie mahčymyja namahańni, kab nie dać skalečyć na našych vačach nievinavatych ludziej!»
Pad zajavaj užo padpisalisia niekalki dziasiatkaŭ čałaviek.
***
Možna pakidać podpisy i ŭ kamientarach pad hetym artykułam.
Ciapier čytajuć
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»5
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»
Aktor Toŭścikaŭ: Na pakazie, kali pryjšli zbolšaha rasijskija hledačy — publika śmiajałasia. A kali byli biełarusy, Cichanoŭskaja — stajała poŭnaja cišynia11
Kamientary