Prahnozy ekanamistaŭ na valutnyja tarhi: ad 7 da 10 tysiač rubloŭ za dalar

Apytanyja BiełaPAN ekanamisty čakajuć vynikaŭ tarhoŭ na dadatkovaj siesii Biełaruskaj valutna-fondavaj biržy ź vielmi strymanym aptymizmam.

Pavodle słoŭ finansavaha analityka aficyjnaha partniora «Alpary» ŭ Minsku Vadzima Iosuba, «heta vyklikana pierš za ŭsio tym, što va ŭładaŭ, urada i Nacbanka, dahetul niama hatovaha scenaryja, pa jakim projduć tarhi,

jany, napeŭna, sami nie viedajuć, čaho čakać, adpaviedna takija ž čakańni i ŭ rynka».

Były staršynia Nacbanka Stanisłaŭ Bahdankievič nahadaŭ, što ŭłada maje dastatkova ryčahoŭ, kab adrehulavać źniešnie abvieščany rynačny praces. «U nas chto eksparcior, u kaho jość valuta? Dziaržpradpryjemstvy, i dziaržava moža prymusić ich prynieści na hetuju siesiju valutu. U nas asnoŭnyja pakupniki valuty — ułaśnik-dziaržava, tamu mohuć administracyjna skaracić hetaje pytańnie», — zajaviŭ Stanisłaŭ Bahdankievič. Jon dadaŭ, što «ŭ dalejšym heta ž usio vylezie».

Kažučy pra mahčymyja vieličyni, jakija mohuć być ustanoŭlenyja padčas tarhoŭ, Stanisłaŭ Bahdankievič nazvaŭ ličbu ŭ 7–8 tysiač biełaruskich rubloŭ za dołar.

Finansavy analityk Vadzim Iosub, ličyć bolš realnym kurs u 9–10 tysiač, ale pry hetym dadaje: «Vielmi vialikaja vierahodnaść,

što rehulatar budzie imknucca da taho, kab kurs byŭ nižejšym».

Takoha ž punktu hledžańnia prytrymlivajecca i namieśnik staršyni RHA «Biełaruskaja navukova-pramysłovaja pałata» ekanamist Hieorhij Hryc. «Možna ź vielmi vialikaj dolaj vierahodnaści skazać, što na dadatkovaj siesii dziaržava i Nacbank buduć rabić maksimalna toje, kab nie vyjści za psichałahičny paroh. Psichałahičny paroh, jaki budzie niehatyŭna ŭspryniaty nie tolki biźnies-supolnaściu, ale i nasielnictvam, heta vychad za piaciznačnuju ličbu, vychad za 10 tysiač, tamu što

čarhovuju devalvacyju na 50 pracentaŭ nasielnictva moža, miakka kažučy, nie zrazumieć»,

Ale zališniaje rehulavańnie tarhoŭ moža ŭ budučym pryvieści da novaha kryzisu. Hetuju dumku paćvierdzili ŭsie surazmoŭcy BiełaPAN.

Pavodle słoŭ Vadzima Iosuba, «nie treba zabyvać, što zanižany kurs zaŭsiody kaštuje hrošaj, kali niama žadańnia praŭdziva pahladzieć na rynačany kurs, jość žadańnie jaho zanižać, hetaha dabicca možna, ale na heta pastajanna treba tracić hrošy».

«Siońnia hałoŭnaja zadača ŭrada i Nacyjanalnaha banka — adnavić davier ekanamičnych ahientaŭ da biełaruskaha rubla», — zajaviŭ Hieorhij Hryc. «Datul pakul my nie zrobim kankurentazdolnuju ekanomiku, vynikam jakoj budzie vychad chacia b na maleńkaje niehatyŭnaje salda, umoŭna 1% VUP, hetaja miera (vyznačeńnie rynačnaha kursu na dadatkovaj siesii BVFB. — BiełaPAN.) nie ciahnie na stratehiju», — padvioŭ vynik namieśnik staršyni BNPP.

• 0
• 0
• 0
• 0
• 0
• 0
• 0
• 0