Biełaruskaja asacyjacyja žurnalistaŭ prapanuje majstar-kłasy «Radyjožurnalistyka» i «Žanry sučasnaj žurnalistyki».
Majstar-kłas Taćciany Mielničuk «Radyjožurnalistyka» (kastryčnik—śniežań 2011)
Miesca praviadzieńnia: Minsk—Vilnia
Majstar-kłas adrasavany najpierš tym, chto pavodle ŭłasnaha tvorčaha vybaru zajmajecca vyrabam audyjopraduktu albo vymušany «mianiać śpiecyjalizacyju» praz supracoŭnictva ź miedyja, što tranślujuć audyjosiužety.
Majstar-kłas viadzie Taćciana Mielničuk, karespandentka VVS ŭ Biełarusi.
Meta navučańnia — praktyčnaje avałodańnie nabytkami sučasnaj radyjožurnalistyki.
Biełaruskija žurnalisty apošnim časam atrymali peŭnyja mažlivaści supracoŭnictva ź niezaležnymi radyjostancyjami, niekatoryja ŭ rehijonach stvarajuć FM- dy internet-radyjo, usio bolš biełaruskich internet-sajtaŭ prapanujuć svaim karystalnikam siarod inšaha i audyjopradukt.
Miž tym, jakaść hetaha praduktu moža i pavinnaja być lepšaj. Vidavočnaja nieabchodnaść raźmiežavać «plusy» i «minusy» kožnaha sposabu padačy infarmacyi (drukavanaj, tele-, radyjo) i navučycca vykarystoŭvać najaŭnyja abjektyŭnyja asablivaści dla najbolš trapnaha i praduktyŭnaha dasiahnieńnia žurnalisckaj mety.
Padrabiaźniej pra majstar-kłas «Radyjožurnalistyka» čytajcie tut.
***
Majstar-kłas Maryny Zahorskaj «Žanry sučasnaj žurnalistyki» (kastryčnik—śniežań 2011)
Miesca praviadzieńnia: Minsk—Vilnia
Haziety vychodziać amal štodnia. A siensacyjnyja, značnyja padziei adbyvajucca nie tak časta. Adnak na staronkach vydańnia zaŭsiody pavinna być bahata cikavych i raznastajnych navinaŭ. Jak sabrać «infarmacyjny ŭradžaj» navat u samy «zasušlivy» na padziei dzień? Dzie zdabyć fakty, što nie lažać na pavierchni? Adkul biarecca «efiekt prysutnaści» ŭ repartažach? I jak navučycca słuchać padčas intervju?
Padrabiaźniej pra majstar-kłas «ŽANRY SUČASNAJ ŽURNALISTYKI» čytajcie tut.
Biełarusy sustrakajuć vyzvalenych palitviaźniaŭ u Vilni FOTY i VIDEA3
Kamientary