Biełhidramiet: Babina leta ŭ Biełarusi jašče napieradzie
Pryjdzie jano ŭ kancy vieraśnia -- pačatku kastryčnika z usimi atrybutami: latajučym pavucińniem i bujstvam asieńnich farbaŭ.
paviedamiła hałoŭny sinoptyk Respublikanskaha hidramieteacentra Ludmiła Paraščuk.
Niahledziačy na toje, što sioleta ŭ vieraśni ciapło viartajecca ŭžo druhi raz, heta jašče nie kłasičnaje babina leta, niaźmiennymi
atrybutami jakoha źjaŭlajucca nie tolki ciopłaje soniečnaje nadvorje, ale i latajučaje pavucińnie, a taksama bujstva asieńnich farbaŭ.
Zvyčajna babina leta pačynajecca paśla karotkačasovaha pachaładańnia — u siaredzinie abo ŭ kancy vieraśnia, a časam navat u pačatku kastryčnika. Praŭda, prykładna raz u 7 hadoŭ babinaha leta nie byvaje. Jano moža pradaŭžacca ad niekalkich dzion da dvuch tydniaŭ i bolš. U 1975 hodzie babina leta ŭ Minsku pačałosia 8 vieraśnia i pradaŭžałasia ceły miesiac. Časam možna nazirać niekalki pieryjadaŭ babinaha leta. Naprykład, u 1966 hodzie pieršy ciopły pieryjad byŭ z 12 pa 18 vieraśnia, druhi — z 1 pa 13 kastryčnika i treci — z 16 pa 25 kastryčnika. Vosieńniu 2005 hoda było dva pieryjady babinaha leta — z 1 pa 15 vieraśnia i z 27 vieraśnia pa 7 kastryčnika.
U hetym hodzie babina leta ŭ Biełarusi čakajecca ŭ kancy vieraśnia — pačatku kastryčnika.
U Tłumačalnym słoŭniku Dala ŭ artykule pra babina leta sustrakajecca takoje paniaćcie, jak
maładoje babina leta. Možna mierkavać, što ciapier u Biełarusi ŭstanaviłasia mienavita jano.
Fienomien babinaha leta tłumačać i z navukovaha punktu pohladu. Sprava ŭ tym, što ŭ chodzie chimičnaj reakcyi raskładańnia chłarafiłu ŭ pieryjad chutkaha adnačasovaha pažaŭcieńnia liścia vydzialajecca vielmi vialikaja kolkaść ciapła.
Darečy, babina leta jość nie tolki ŭ słavian. U niemcaŭ hety čas nazyvajecca «starečym letam», u Francyi — «letam Śviatoha Marcina», u Čechii — «pavucinnym letam», a ŭ ZŠA — «indziejskim letam».
Ciapier čytajuć
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić4040
Kamientary