I nie ŭ apošniuju čarhu dziakujučy žurnalistam, jakija nadoječy pacikavilisia staŭleńniem Pucina da pahrozy turemnaha źniavoleńnia školnaha dyrektara tolki za toje, što na kamputarach u jahonaj škole stajała nielicenzijnaje prahramnaje zabieśpiačeńnie ad Microsoft.
I voś sprava pryniała dziaržaŭny charaktar.
Čynoŭniki Rasdruku raskaturchalisia j zajavili, što kali dyrektaru Microsoft vystavić finansavyja pretenzii, to jany spłaciać škodu za svoj košt, z pazabiudžetnych srodkaŭ.
Dniami za Alaksandra Panosava dniami ŭstupiŭsia i były prezydent SSSR Michaił Harbačoŭ. Jon nakiravaŭ Biłu Hiejcu list z praniknionymi słovami: «Nastaŭniku, jaki pryśviaciŭ svajo žyćcio vychavańniu dziaciej, jaki atrymlivaje za svaju pracu ścipłaje ŭznaharodžańnie, niesupastaŭlalnaje z dachodami navat šarahovych supracoŭnikaŭ Vašaj kampanii, pahražaje turemnaje źniavoleńnie ŭ sybirskich lahierach».
I narešcie, jomistuju charaktarystyku ŭsiaje spravie daŭ rasiejski prezydent Uładzimier Pucin, jaki skazaŭ, što «chapać čałavieka za toje, što jon kupiŭ kamputar — «čuš sobaċja».»Heta jak u narkamanii, dzie treba zmahacca nia z tymi, chto spažyvaje, a z tymi, chto raspaŭsiudžvaje».
Na hetym tle rasiejski ofis Microsoft vystupiŭ z aficyjnaj zajavaj, dzie zajaviŭ, što ŭ dziejańniach dyrektara škoły ničoha strašnaha niama. «My ŭpeŭnienyja ŭ tym, što sud vyrašyć pytańnie pra vinavataść ci nievinavataść adkaznaj asoby ŭ parušeńni aŭtarskich pravoŭ paśla starannaha vyvučeńnia ŭsich abstavinaŭ spravy. Microsoft nie razhladaje hetuju spravu jak złosnaje parušeńnie svaich pravoŭ, nie zajaŭlała i nia maje namieru zajaŭlać hramadzianskaha pazovu».
Kamientary