U Piermskim krai Rasiei tryvaje sud nad dyrektaram sielskaj škoły. Alaksandar Panosaŭ abvinavačvajecca ŭ vykarystańni nielicenzijnych kamputarnych prahram i ŭ tym, što nanios kampanii «Majkrasoft» škodu na 266 tysiač 596 rasiejskich rubloŭ (kala 10 tysiač dalaraŭ). Na dyrektara zaviedzienaja kryminalnaja sprava, jamu pahražaje turemnaje źniavoleńnie terminam da piaci hadoŭ.
U Piermskim krai Rasiei tryvaje sud nad dyrektaram sielskaj škoły. Alaksandar Panosaŭ abvinavačvajecca ŭ vykarystańni nielicenzijnych kamputarnych prahram i ŭ tym, što nanios kampanii «Majkrasoft» škodu na 266 tysiač 596 rasiejskich rubloŭ (kala 10 tysiač dalaraŭ). Na dyrektara zaviedzienaja kryminalnaja sprava, jamu pahražaje turemnaje źniavoleńnie terminam da piaci hadoŭ.
Kamputary z ustalavanym na ich prahramnym zabieśpiačeńniem pryvieźli ŭ škołu pasiołka Siepyč, jaki mieścicca ŭ 180 kilametrach ad Piarmi, u žniŭni 2005‑ha, a ŭ traŭni 2006‑ha tudy pryjšli pradstaŭniki prakuratury i dobrasumlenna pierapisali ŭ pratakoł jarłyki z pracoŭnaha stała kamputara. Paśla jany abjavili dyrektaru, što na kamputarach ustalavanyja nielicenzijnyja prahramy, i karystacca imi nielha.
Kiraŭnik Vieraščahinskaha rajonu, u jaki ŭvachodzić Siepyč, Jury Starkoŭ, ščyra pryznaje, što pirackija prahramy stajać praktyčna na ŭsich školnych kamputarach, a hrošaj na licenzijnyja — niama navat u administracyi rajonu, dzie taksama karystajucca dyskami, kuplenymi pa 150 rubloŭ na miascovym kirmašy.
Novaje abstalavańnie pastupaje ŭ škoły pa rehijanalnych i federalnych prahramach, ale ministerstva adukacyi Piermskaha kraju nie śpiašajecca ŭmiešvacca ŭ spravu. Jak zajaviŭ supracoŭnik ministerstva, jaki pažadaŭ zastacca nieviadomym, «dyrektar, viadoma, ni ŭ čym nie vinavaty, ale kali my heta pryznajem, to musim budziem taksama pryznać, što takaja prablema jość u kožnaj škole. A heta sapsuje spravazdačnaść pa infarmatyzacyi, za jakuju z nas vielmi stroha spahaniaje Maskva».Śledčyja dva razy sprabavali zakryć spravu «dziela adsutnaści vinavataj asoby». Adnak, miarkujučy pa ŭsim, prakuratury treba davieści jaje da sudu. Jak raskazaŭ u hutarcy z karespandentam «Haziety.Ru» prakuror Vieraščahinskaha rajonu Alaksandar Trajanaŭ, prakuratura kraju dała nieaficyjny zahad pravieści ŭ kožnym rajonie niekalki pakazalnych pracesaŭ nad «piratami». «Takija pracesy iduć ciapier pa ŭsioj krainie, — zajaviŭ spadar Trajanaŭ krychu raniej hazecie «Piermskij obozrievatiel». — Datrymańnie zakonu pra aŭtarskija pravy — nieabchodnaja ŭmova ŭstupleńnia Rasiei ŭ Suśvietnuju handlovuju arhanizacyju. Naš rajon taksama nia moža zastacca naŭzboč. Paŭsiul musiać być licenzijnyja prahramy!»
U kastryčniku 2006 hodu Alaksandru Panosavu patelefanavali z rajonnaj prakuratuty j paviedamili, što adkazvać za nielicenzijnyja prahramy, jakija stajali na kamputarach, daviadziecca asabista jamu. Pryčym, nie pa administratyŭnym, a pa kryminalnym artykule.
Pieršapačatkova škodu, naniesienuju Siepyčaŭskaj sielskaj škołaj karparacyi «Majkrasoft» prakuratura acaniła ŭ 97 tysiač rubloŭ. Hetaja suma ŭkładvałasia ŭ artykuł pra administratyŭnaje pravaparušeńnie.
«Vidać, z krajavoha centru pryjšła raznaradka na kryminałku, — razvažaje Alaksandar Panosaŭ. — Suma škody stała raści jak na draždžach. Pa‑pieršaje, zaviali dźvie spravy: adnu pa Windows, a druhuju — pa Office. Što samo pa sabie absurdna. Ale zatoje padvoiłasia j suma škody. Kali im usio‑taki nie chapiła da «asabliva bujnoha pamieru» (250 tysiač), jany pryplusavali siudy sama prahramu Outlook Express, jakoj my ŭvohule nikoli nie karystalisia».Advakaty prapanoŭvali Panosavu zaklučyć z pradstaŭnikami «Majkrasoftu» miravoje pahadnieńnie. Cana pytańnia vahałasia ad 60 da 120 tysiač, u zaležnaści ad pracentu, jaki brali pasiaredniki. Takich hrošaj u dyrektara škoły nie znajšłosia. I sprava była pieradadzienaja ŭ sud. Nastupnyja słuchańni pryznačanyja na 29 studzienia.
Ciapier čytajuć
Trend siarod biełaruskich zumieraŭ i milenijałaŭ: usio bolš moładzi viartajecca žyć da baćkoŭ10
Kamientary