Zajavili pradstaŭniki štaboŭ Niaklajeva i Sańnikava.
Pradstaŭniki vybarčych štaboŭ kandydataŭ u prezidenty Andreja Sańnikava i Uładzimira Niaklajeva pryznali, što ŭ ich nie było adzinaha płana praviadzieńnia pratestaŭ 19 śniežnia 2010 hoda. Pra heta jany zajavili 19 śniežnia na pasiadžeńni kruhłaha stała ŭ Minsku, pryśviečanaha hadavinie prezidenckich vybaraŭ.
Michaił Paškievič, pradstaŭnik kampanii «Havary praŭdu!», lidaram jakoj źjaŭlacca Niaklajeŭ, skazaŭ, što kancentravać uvahu na akcyjach pratestu, u pryvatnaści na vychad ludziej na płošču, było stratehičnaj pamyłkaj.
«Nielha było rabić z akcyi pratestu niejki sakralny mifičny centr, jaki vyrašyć usio.
Adnak heta pamyłka była zroblena, i ŭžo za dva miesiacy da zakančeńnia vybarčaj kampanii ŭsie kandydaty zaklikali ludziej na płošču, zamiest taho kab zmahacca za pieramohu na prezidenckich vybarach»,— zaznačyŭ Paškievič.
Pavodle jaho słoŭ, usie demakratyčnaja kandydaty nie mieli dakładnaha płana, što rabić na płoščy paśla abviaščeńnia vynikaŭ vybaraŭ. «Płan kampanii «Havary praŭdu!» na płoščy składaŭsia ź niekalkich źvionaŭ. Pieršym ź ich było praviadzieńnie kancerta na Kastryčnickaj płoščy ŭ Minsku 19 śniežnia. Tym nie mienš,
U adkaz na heta Viktar Ivaškievič, člen vybarčaha štaba Andreja Sańnikava, zajaviŭ,
što ich farmat praviadzieńnia pratestaŭ praduhledžvaŭ naroščvańnie kolkaści ludziej u centry Minska, i nieabaviazkova na Kastryčnickaj płoščy.«U tym liku naš scenaryj padrazumiavaŭ i zbor ludziej na płoščy Niezaležnaści kala Doma ŭrada», — skazaŭ Ivaškievič.
Pavodle jaho słoŭ,
zadačaj kamandy Sańnikava było nie dać vyjhrać vybary Alaksandru Łukašenku i dabicca druhoha tura.«Pieršuju častku my faktyčna ažyćciavili. Łukašenka i ŭ mižnarodnym płanie, i ŭ vačach ludziej nie źjaŭlajecca zakonna vybranym prezidentam. Toje, što my nie dabilisia druhoha tura, naša pamyłka», — zajaviŭ Ivaškievič.
Varta zaznačyć, što padčas prezidenckich vybaraŭ Sańnikaŭ i Niaklajeŭ zaklučyli pahadnieńnie ab sumiesnych dziejańniach u miežach vybarčaj kampanii i nieadnarazova pravodzili ahulnyja akcyi.
Kamientary