Paśla 31-hadovaha šlubu baćki viadomaj śpiavački, žonki repiera i saŭładalnika kłuba NBA «Ńju-Džersi Niets» Džej-Zi Biejonse Cina i Mećju Noŭłz raźvialisia. Doŭhi i składany šlubarazvodny praces pačaŭsia kala dvuch hadoŭ tamu.
Maci ciemnaskuraj pop-dzivy ŭ 2009 hodzie padała zajavu ŭ sud paśla taho, jak vyśvietliłasia, što ŭ jaje muža było pazašlubnaje dzicia ad žycharki Łos-Andželesa. I tolki ŭ minułym miesiacy sud štata Techas vynies kančatkovaje rašeńnie ab razvodzie. U sudzie Cina zajaviła, što šlubnaje žyćcio stała «nievynosnym» z-za ciažkich kanfliktaŭ, jakija «nie pakidajuć nijakaj nadziei na prymireńnie».
Mećju Noŭłz ciaham mnohich hadoŭ byŭ mieniedžaram Biejonse. Mienavita jon zrabiŭ z dački salistku papularnaj hrupy Destiny's Child. Jon ža pryvioŭ śpiavačku da paśpiachovaj solnaj karjery. Artystka padkreśliła, što niahledziačy na skandalny razvod baćkoŭ, pa-raniejšamu lubić baćku i spyniaje tolki dziełavyja adnosiny, a nie asabistyja.
Kamientary