Rekord: supracoŭnik minskaha banka skraŭ 500 tysiač dalaraŭ
Padazravany mieŭ dostup da schovišča, kudy ŭ kancy dnia zvoziacca hrošy z abmieńnikaŭ.
Dziorzki kradziež adbyŭsia ŭ adnym ź biełaruskich bankaŭ, raźmieščanych u Minsku. Z achoŭnaha schovišča źnikła biez małoha paŭmiljona dalaraŭ, što źjaŭlajecca rekordnaj dla Biełarusi sumaj.
Skandał u AAT «Technabank», nie maje sabie roŭnych u Biełarusi.Da apošniaha času schovišča ni adnaho biełaruskaha banka ni razu nie čyścili. Byli tolki rabavańni abmiennych punktaŭ bankaŭ. Sami bankiry kali i krali, to praz praviadzieńnie finansavych apieracyj z vykarystańniem rachunkaŭ padstaŭnych firmaŭ. I tut raptam takoje!
Jak paviedamili «Štodziońniku» u HUUS Minharvykankama, śledčym adździełam papiaredniaha rasśledavańnia UUS Centralnaha rajona Mienska raspačataja kryminalnaja sprava ŭ dačynieńni da byłoha namieśnika načalnika ŭpraŭleńnia pa ažyćciaŭleńni valutna-abmiennych i kasavych apieracyj AAT «Technabank».
Pa abaviazku słužby padazravany trymaŭ u svaich rukach ŭvieś najaŭny abarot banka i mieŭ dostup da schovišča, kudy ŭ kancy dnia zvazilisia dalary, jeŭra, rasijskija i biełaruskija rubli z usich abmiennych punktaŭ.Mienavita hetym dostupam da vialikich sumach hrošaj i vyrašyŭ skarystacca bankir.
Pa dadzienych pravaachoŭnych orhanaŭ, namieśnik načalnika ŭpraŭleńnia zalez u schovišča i vynies adtul amal 70 miljonaŭ biełaruskich rubloŭ, bolš za 850 tysiač rasijskich rubloŭ, bolš 388 tysiač dołaraŭ i 51 tysiačy jeŭra. Ahulnaja suma vykradzienaha ŭ dalaravym ekvivalencie skłała bolš 490 tysiač.
Pakul nieviadoma, ci zatrymany bankir, ci viernuty hrošy abo padazravanamu ŭdałosia schavacca z vykradzienym.Pravaachoŭnyja orhany vielmi nieachvotna kažuć pra hety skandał. Viadoma tolki, što ŭ banku sami vyjavili kradziež, paśla čaho i źviarnulisia z zajavaj u pravaachoŭnyja orhany.
Bankaŭskamu klerku inkryminujecca ździajśnieńnie złačynstva, praduhledžanaha č.4 art.210 Kryminalnaha kodeksa Biełarusi (kradziež šlacham złoŭžyvańnia słužbovymi paŭnamoctvami, ździejśnieny arhanizavanaj hrupaj albo ŭ admysłova bujnym pamiery). Viadziecca rasśledavańnie.
Kamientary