Trahiedyja zdaryłasia ŭ Baranavičach. Śledčyja miarkujuć, što piensijanierka nie pačuła nabližeńnie ciahnika.
Trahiedyja adbyłasia na čyhunačnych šlachach kala śledčaha izalatara № 6 h. Baranavičy dniom 23 śniežnia.
Jak paviedamiła pamočnik prakurora Baranavickaj transpartnaj prakuratury Taćciana Vojtava, žančyna, jakaja žyvie ŭ hetym ža mikrarajonie — u domie pa vulicy Bresckaj, była śmiarotna traŭmiravanaja šviejcarskaj rehijanalnaj elektryčkaj, kali pierachodziła čyhunačnaje pałatno pa piešachodnym naścile.
«Jak raspaviali svajaki zahinuŭšaj, piensijanierka nie bačyła na adno voka, taksama ŭ jaje byli prablemy sa słycham. Hledziačy pa ŭsim, z-za hetaha jana i nie pačuła huku nadychodziačaha ciahnika», — patłumačyła pamočnik prakurora.
Pa infarmacyi Taćciany Vojtavaj, na ŭčastku, dzie adbyłasia trahiedyja, elektraciahnik Stadler ruchajecca z chutkaściu 100 km/h.
U ciapierašni čas pa fakcie hibieli haradžanki pravodzicca pravierka.
Z pačatku hoda ŭ Baranavickim transpartnym rehijonie, pa dadzienych transpartnaj prakuratury, na čyhuncy było zarehistravana 25 vypadkaŭ traŭmiravańnia hramadzian, u tym liku 14 śmiarotnych.
Kamientary