Kožny biełarus ciapier vinavaty 3595 dalaraŭ.
Vałavy zamiežny doŭh Biełarusi za 2011 hod vyras na 5,6 młrd dołaraŭ, abo na 20%, i na 1 studzienia 2012 hoda skłaŭ 34 młrd 28 młn dołaraŭ. Pra heta paviedamili ŭ Nacbanku.
Ciapier kožny biełarus, ź niemaŭlatami ŭklučna, vinavaty 3595 dołaraŭ. Hod tamu na kožnym z nas visieła ŭsiaho 2995 dołaraŭ.
Na vypłaty pa zamiežnym doŭhu za minuły hod u Biełarusi pajšło 6,3 miljarda dalaraŭ, abo amal vośmaja častka ad vałavoha ŭnutranaha praduktu.
U tym liku zamiežny doŭh orhanaŭ dziaržaŭnaha kiravańnia za 2011 hod vyras na 22,8% da 12 młrd 351 młn.
Źniešni doŭh orhanaŭ hrašova-kredytnaha rehulavańnia skłaŭ 1 młrd 529,7 młn, źniziŭšysia na 17,5%. Zavinavačanaść kamiercyjnych bankaŭ vyrasła na 5,6% da 6 młrd 77,4 młn dołaraŭ ZŠA.
Źniešni doŭh inšych siektaraŭ ekanomiki skłaŭ 13 młrd 64,3 młn dołaraŭ, pavialičyŭšysia za hod na 31,8%. Pramyja inviestycyi (mižfirmiennaje kredytavańnie) vyraśli na 21,8% da 1 młrd 6,0 młn dołaraŭ.
Vałavy zamiežny doŭh ujaŭlaje saboju niavypłačanuju sumu faktyčnych najaŭnych i nieabumoŭlenych abaviazacielstvaŭ.
Kamientary