Śćviardžajecca, što patryjarch vałodaje supierdarahoj kvateraj, u jakoj prapisanaja śvieckaja žančyna.
Patryjarch Maskoŭski i ŭsiaje Rusi Kirył trapiŭ u kvaterny skandał, jaki skončyŭsia sudom. U pracesie vyśvietlilisia niekatoryja akaličnaści. Jany prymušajuć zadumacca, ci nie parušyŭ Kirył šerah zarokaŭ. Adnak carkva nazyvaje ŭsio heta sprobami dyskredytacyi.
«Załaty» pył
Padrabiaznaści skandału apisvaje partał Rasbałt.
Były ministr achovy zdaroŭja, viadomy rasijski chirurh-kardyjołah (i adnačasova pravasłaŭny śviatar) Juryj Šaŭčenka nabyŭ u prestyžnym rajonie Maskvy kvateru. U časie ramontu kvateru patryjarcha nibyta paškodzili, zasypali pyłam.
U sudzie bok paciarpiełych ad ramontu pradstaŭlała niejkaja Lidzija Lavonava, jakaja, jak vyśvietliłasia, była prapisanaja ŭ toj kvatery. A naležyć kvatera... Uładzimiru Michajłaviču Hundziajevu. A heta ž śvieckaje imia patryjarcha Kiryła.Sud pieršaj instancyi naličyŭ Šaŭčenku 20 miljonaŭ rasijskich rubloŭ (650 tysiač dalaraŭ) adškadavańnia za ramont. Ciažba praciahvajecca, ale vybuchnuŭ i skandał.
Adkul hrošy?
Kvatera ŭ tak zvanym «Domie na Nabiarežnaj» ź vidam na sabor Chrysta Zbaŭcy i Kreml kaštuje kala 1,5 miljona dalaraŭ.U kadastravych viedamaściach paznačana, što kvatera była kuplena prykładna hadoŭ 8 tamu.
Za patryjarcham i raniej zaŭvažalii schilnaść da darahich rečaŭ. U svoj čas ukrainskija žurnalisty sfatahrafavali jahony hadzińnik za 30 tysiač jeŭra.
Chto takaja Lavonava?
ŚMI sprabujuć zrazumieć, kim prychodzicca patryjarchu Lidzija Lavonava.Rasijskaja słužba radyjo «Svaboda» pryvodzić słovy hałoŭnaha redaktara niezaležnaha sietkavaha resursu Portał-Credo.Ru Alaksandra Sałdatava, što heta nie siastra patryjarcha.
Časopis «Ohoniok» adkapaŭ, što Lidzija Michajłaŭna Lavonava była dačkoj kuchara Leninhradskaha abkama KPSS i što ich ź mitrapalitam, budučym patryjarcham, adnosiny źviazvajuć ich 30 hadoŭ.
Kali ŭ 1969 hodzie Uładzimir Hundziajeŭ pryniaŭ manaski postryh, jon atrymaŭ imia Kirył i daŭ čatyry zaroki: pasłušenstva, biasšlubnaści, admovy ad asabistaj ułasnaści i niaspynnaj malitvy. Ciapier žurnalisty pytajucca, ci nie parušaje patryjarch Kirył niekatoryja z hetych zarokaŭ?
Aficyjna
Kiraŭnik pres-słužby Maskoŭskaha patryjarchatu Uładzimir Vihilanski ličyć, što pytańni ab kvatery patryjarcha Maskoŭskaha i ŭsiaje Rusi Kiryła nieetyčnyja, bo zakranajuć jahonaje pryvatnaje žyćcio. A
kiraŭnik Sinadalnaha Infarmacyjnaha adździeła Uładzimir Lahojda nazvaŭ hetuju infarmacyju «čarhovym prykładam brudnych pijar-technałohij».Patryjarch Kirył nie maje dačynieńnia da sudovaj sprečki vakoł kvatery ŭ «Domie na nabiarežnaj», zajaviŭ Lahojda.
Kamientary