Pakolki šerah jeŭrapiejskich prezidentaŭ admoviŭsia ŭ im udzielničać.
Pra heta paviedamiŭ śpikier Ministerstva zamiežnych spraŭ Ukrainy Alaksandr Dzikusaraŭ na bryfinhu ŭ Kijevie.
«U suviazi z tym, što šerah kiraŭnikoŭ jeŭrapiejskich dziaržaŭ pa roznych pryčynach nie zmohuć pryniać udzieł u 18-m samicie krain Centralnaj Jeŭropy, Ukraina ličyć metazhodnym pieranieści samit i nie pravodzić jaho 11--12 maja ŭ horadzie Jałta», -- skazaŭ jon.
Pavodle Dzikusarava, mierapryjemstva adbudziecca ŭ bolš poźnija terminy, jakija buduć vyznačanyja pa dypłamatyčnych kanałach.
Jak paviedamlałasia, piaciora prezidentaŭ jeŭrapiejskich krain -- Rumynii, Ałbanii, Charvatyi, Čechii i Čarnahory -- prama zajavili pra admovu ad udziełu ŭ samicie z-za spravy eks-premjer-ministra Julii Cimašenki. Prezident Hiermanii nie zajaŭlaŭ hetaha prama, ale mienavita hetaja pryčyna admovy vyciakała z kamientaroŭ MZS Hiermanii.
Akramia taho, prezidenty Bałharyi, Łatvii, Estonii, Italii, Aŭstryi i Słavienii admovilisia prybyć na samit, aficyjna spasłaŭšysia na inšyja pryčyny, pry hetym u niekatorych vypadkach usio ž była vykazana zaniepakojenaść spravaj Ju.Cimašenki.
Paćvierdzili svoj udzieł u samicie prezidenty Litvy, Polščy, Słavakii i Małdovy.
Ciapier čytajuć
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja114
Kamientary