Vakalist Depeche Mode adznačaje 50-hodździe i vypuskaje novy albom.
Tłumačyć, chto taki Devid Haan, ci, jak kažuć čaściej u nas — Hechen, amataram muzyki nie treba. Vakalist Depeche Mode, jaki naradziŭsia 9 maja 1962 hoda, daŭno ŭžo trapiŭ u šerahi lehiendaŭ pieršaha paradku.
Depeche Mode — Suffer Well
Sam Haan amal nikoli nie pisaŭ pieśniaŭ — tolki voś na apošnich dvuch albomach Depeche Mode možna pačuć jahonyja tvory. Adnak charyzma i chałodny baryton Haana zrabiŭ jaho kultavaj asobaj. U 90-yja jon pieramoh hierainavuju zaležnaść, a ŭ 1996 hodzie pieranios kliničnuju śmierć — dźvie chviliny jahonaje serca nie pracavała. Tym nie mienš z taho času, Haan vyhladaje nie horš, a jahonamu ŭmieńniu trymacca na scenie chto zaŭhodna pazajzdrosić.
Depeche Mode — Personal Jesus
Možna doŭha pieraličvać zasłuhi muzyki — ad alboma Violator da sprečnaha, ale vydatnaha Ultra. Adnak lepiej uzhadać pra toje, što z 2003-ha hoda Haan viadzie solnuju karjeru — da dvuch studyjnych albomaŭ praz dva tydni dadasca jašče adzin pad nazvaj The Light The Dead See.
Dave Gahan — Dirty Sticky Floors
Što tyčycca niezvyčajnaha hučańnia proźvišča Haana, dyk pamylajucca ŭ joj nie tolki ŭ našaj krainie — u anhlijskaj Vikipiedyi ŭ artykule pra Haana ŭstalavany admysłovy aŭdyjo-płejer, kab kožny moh prasłuchać pravilnaje vymaŭleńnie.
Kamientary