Palityk dasłaŭ čarhovy list na volu, u jakim prosić za jaho nie chvalavacca.
Ź lista vynikaje, što cisk na palityka ŭzmacniajecca:
«Siońnia ad imia načalnika atrada abjavili vymovu pa štučna pryciahnutaj nahodzie. Nakolki ja razumieju, z ulikam škłoŭskaha vopytu, na hetym sprava nie spynicca…»
Palityk ličyć «sapraŭdnaj pryčynaj usiaho hetaha — prymusić mianie napisać prašeńnie ab pamiłavańni». Jon padćviardžaje, što nie budzie pisać takoje prašeńnie.
Statkievič piša, što nakiravaŭ «zajavu ŭ Mahiloŭskuju abłasnuju prakuraturu z nahody hetaha spahnańnia, dzie taksama ŭzhadvaju pra sapraŭdnuju pryčynu hetaj «vymovy».
Palityk prosić, za jaho nie chvalavacca i žartuje «… i ŭ tutejšym ŠIZA ja ŭžo siadzieŭ — ničoha novaha dla mianie tut niama, kali navat i pryjdziecca».
***
Nahadajem, što hod nazad, 26 maja 2011 hoda, sud Leninskaha rajona stalicy (sudździa Ludmiła Hračova, prakuror Anton Zaharoŭski) pryznaŭ Mikałaja Statkieviča vinavatym u «arhanizacyi masavych biesparadkaŭ» 19 śniežnia 2010 hoda i pryhavaryŭ jaho da šaści hadoŭ pazbaŭleńnia voli ŭ kałonii ŭzmocnienaha režymu. Jon adbyvaŭ pakarańnie ŭ škłoŭskaj kałonii № 17, adnak 15 studzienia 2012 hoda byŭ pieraviedzieny ŭ mahiloŭskuju turmu № 4.
Pryčynaj stała aficyjnaje pradstaŭleńnie administracyi kałonii, zhodna ź jakim asudžany palityk «nie staŭ na šlach vypraŭleńnia», «da
Mikałaj Statkievič niekali razoŭ admaŭlaŭsia pisać na imia Łukašenki prašeńnie ab pamiłavańni.
Ciapier čytajuć
Kaleśnikava: Ja nie razumieju, čamu Jeŭropa nie pačała pieramovy z Łukašenkam raniej za ZŠA63
Kamientary