U Łuninieckim rajonnym sudzie prajšło papiaredniaje słuchańnie pavodle pazovu Mikałaja Karyšava da pradpryjemstva «Hranit» u Mikaševičach. Nastupnaje pasiedžańnie ŭ hetaj spravie adbudziecca 8 červienia.
Namieśnik kiraŭnika supołki niezaležnaha prafsajuzu na «Hranicie» Mikałaj Karyšaŭ byŭ zvolnieny z hetaha pradpryjemstva paśla dyscyplinarnych spahnańniaŭ. Aktyvisty niezaležnaha prafsajuzu na pradpryjemstvie miarkujuć, što hetyja spahnańni byli sfabrykavanyja, a Mikałaja Karyšava zvolnili za aktyŭny ŭdzieł u niezaležnym prafsajuzie.
Mikałaj Karyšaŭ nie pahadziŭsia z nakładzienymi na jaho spahnańniami i vyrašyŭ abskardzić ich u sudzie.
Jak paviedamiŭ «Svabodzie» Mikałaj Karyšaŭ, pasiedžańnie vioŭ toj samy sudździa, jaki raniej razhladaŭ spravu kiraŭnika supołki niezaležnaha prafsajuzu na «Hranicie» Aleha Stachajeviča:
«Siońnia było papiaredniaje słuchańnie. Z boku adkazčyka, najmalnika nichto nie źjaviŭsia. My zajavili svaje chadajnictvy — ab vykliku śviedak, ab vykliku z boku najmalnika hetych načalnikaŭ, jakija vypisvali mnie spahnańni, ab pradstaŭleńni nieabchodnych dakumentaŭ, instrukcyjaŭ. Staršynia Łuninieckaha sudu Vasil Bielski zadavoliŭ chadajnictvy ŭ poŭnym abjomie».
Naprykancy 2011 hodu niekalki socień pracaŭnikoŭ pradpryjemstva pa zdabyčy budaŭničaha kamieniu «Hranit» u Mikaševičach (Bieraściejskaja vobłaść) napisali zajavy, što vychodziać z aficyjnaha prafsajuzu. Rabočyja abviaścili, što stvarajuć na pradpryjemstvie supołki Biełaruskaha niezaležnaha prafsajuzu. Adrazu ž siabry niezaležnaha prafsajuzu adčuli cisk na siabie z boku administracyi.
Z pradpryjemstva byli zvolnienyja aktyvisty prafsajuzu Aleh Stachajevič, Hienadź Paŭłoŭski, Mikałaj Karyšaŭ. Zvolnili i žonku sakratara niezaležnaha prafsajuzu na «Hranicie» Ludmiłu Litvinku, jakaja pracavała na zamienie dekretnaha adpačynku.
Aktyvisty praciahvajuć sudzicca z pradpryjemstvam. Aleh Stachajevič abskardžvaje rašeńnie Łuninieckaha sudu ŭ Bieraściejskim abłasnym sudzie. Pasiedžańnie adbudziecca 31 traŭnia.
U adsutnaść zajaŭnika Łuniniecki sud pryznaŭ zakonnym i zvalnieńnie Hienadzia Paŭłoŭskaha. Zaraz aktyvist niezaležnaha prafsajuzu rychtujecca da abskardžvańnia ŭ abłasnym sudzie.
Ciapier čytajuć
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić4040
Kamientary