Dola apytanych, jakija pastajanna havorać pa-biełarusku, źniziłasia z 5,8% da 3,9%
Na kanfierencyi «Budučynia Biełarusi», jakaja adbyłasia ŭ Vilni i była pryśviečanaja 20-m uhodkam niezaležnych daśledavańniaŭ u Biełarusi, Andrej Adamovič, pradstaŭnik hramadzianskaj kampanii «Budźma» ahučyŭ źviestki nacyjanalnaha apytańnia, praviedzienaha ŭ 2011 hodzie sacyjałahičnaj łabaratoryjaj Novak na temu nacyjanalnaj identyčnaści.
Raniej anałahičnaje daśledavańnie było praviedzienaje ŭ 2009 hodzie:
– dola apytanych, jakija pastańnia havorać u pobycie pa-biełarusku, z 2009 hodu źniziłasia z 5,8% da 3,9%. U jakaści matyvu, čamu ludzi nie havorać pa-biełarusku, bolšaść nazyvaje – «niama biełaruskamoŭnaha asiarodździa»;
– tolki 2,5% apytanych naahuł nie razumiejuć biełaruskuju movu, prykładna čverć apytanych razumiejuć hutarkovuju movu, ale nie mohuć čytać, pisać i razmaŭlać, 48% kažuć, što mohuć čytać pa-biełarusku, kiepska pišuć, ale nie mohuć havaryć, i 23,4% adkazali, što vałodajuć movaj svabodna;
– u adkazach na pytańnie pra rodnuju movu možna było paznačać niekalki movaŭ, vyniki atrymalisia nastupnyja: biełaruskaja – 57.2 %, rasiejskaja – 78.7%, polskaja – 1.1%, ukrainskaja – 1%. Prykładna tracina apytanych nazvali rodnymi biełaruskuju i rasijskuju movy;
– u adkazach na pytańnie pra pieršuju biełaruskuju dziaržavu ŭ historyi 25% nazvali Połackaje kniastva, VKŁ – 44%, BNR – 10%, BSSR – 18%, RB – 16%;
– pry hetym 9,7% ličać biełaruskimi nacyjanalnymi simvałami bieł-čyrvona-bieły ściah i hierb «Pahonia», 73% apytanych addajuć pieravahu isnym dziaržaŭnym simvałam.
Ciapier čytajuć
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii2
Kamientary