Karespandent Polskaha radyjo dla zamiežža Źmicier Hurnievič sustrakaŭsia z Uładzisłavam Michajłavym u apošnija dni pierad adjezdam apošniaha ŭ Biełaruś.
U niadzielu 18 sakavika Ŭładzisłaŭ Michajłaŭ źviazaŭsia sa Źmitrom praz Skype i paviedamiŭ, što niepakoicca za svajo žyćcio, nibyta jaho chočuć zabić polskija specsłužby. Damovilisia na sustreču. Pa słovach Hurnieviča, chłopiec vioŭ siabie nieadekvatna: uvieś čas kazaŭ pra zmovy vakoł siabie, pra ahientaŭ CRU i polskija specsłužby, što naładzili na jaho palavańnie. Potym paviedamiŭ Źmitru, što napisaŭ list u biełaruskuju ambasadu z prośbaj vyvieźci jaho ŭ Biełaruś. Z. Hurnievič prapanavaŭ jamu padumać i sustrecca jašče raz.
Nastupnym razam na sustreču pryjšli siabry Michajłava. U časie hutarki paŭtaryłasia staraja historyja: CRU, polskija specsłužby, prasłuchoŭvańnie, psychałahičny cisk. Z novaha dadałosia vykazvańnie pra prahramu Kalinoŭskaha — Uładzisłaŭ raspavioŭ siabram, što amerykanskija specsłužby rychtujuć ź biełaruskich studentaŭ špiehaŭ u arabskija krainy, što siabrujuć ź Biełarusiaj. Va ŭsich prysutnych skłałasia ŭražańnie, što Michajłaŭ maje prablemy z psychičnym zdaroŭjem. Siabry vyrašyli advieści jaho ŭ špital. Uładzisłaŭ pahadziŭsia, ale ŭžo stojačy ŭ čarzie niekalki razoŭ sprabavaŭ źbiehčy.
Jaho siabroŭka trapiła da doktara i raspaviała pra jaho pavodziny. Doktar daŭ zavočny dyjahnaz — «vostry psychoz». Pavodle polskich zakonaŭ, kali psychijatar pryznaje čałavieka chvorym, jaho mohuć izalavać. Tamu siabry nie ŭziali na siabie takuju adkaznaść. Razam maładyja ludzi adhavaryli Ŭładzisłava ad nieabdumanych krokaŭ, i toj paabiacaŭ, što nikudy nia źjedzie. U aŭtorak u jaho była pryznačanaja sustreča z kiraŭnictvam prahramy Kalinoŭskaha, dzie musili vyrašyć pytańnie pra čarhovaje pierasialeńnie chłopca ŭ novy internat. Adnak na sustreču jon nie źjaviŭsia. Apošni raz Źmicier Hurnievič mieŭ ź im kantakt u paniadziełak u viečary.
Siabry Michajłava miarkuć, što pryčynaŭ zdareńnia niekalki. Paśla svajho pryznańnia ab supracoŭnictvie z KDB Michajłaŭ straciŭ bolšuju častku svaich siabroŭ. Jany nie davali jamu prachodu, telefanavali i pisali ŭ jaho internet‑dziońnik. Pačalisia istotnyja prablemy z vučobaju, Michajłaŭ pasprabavaŭ pieravieścisia na inšaje adździaleńnie i navat paviedamiŭ siabram, što ŭžo vučycca tam i nia maje prablemaŭ. Akazałasia, što nie. Mahčyma ŭsie hetyja faktary i pryviali da taho, što Ŭładzisłaŭ pačaŭ tryźnić zmovami vakoł siabie.
Rešta siabroŭ, što zastalisia z chłopcam paśla historyi z KDB dy sprabavali dapamahčy adaptavacca jamu ŭ novych varunkach, nia mohuć daŭmiecca, ci sapraŭdy Michajłaŭ zachvareŭ psychična. Jany miarkujuć, što vystupam na BT toj apłaciŭ svoj vyjezd z Polščy na dyplamatyčnym aŭto.
Ciapier čytajuć
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie18
Kamientary