Pahaniajła: Mnie daviałosia samomu paćviardžać, što ja — nie «kazioł»
Juryst «Biełaruskaha Chielsinkskaha kamiteta» sudzicca ź Miniustam
Sud pa skarzie kiraŭnika jurydyčnaj słužby pravaabarončaha hramadskaha abjadnańnia «Biełaruski Chielsinkski kamitet» (BCHK) Hary Pahaniajły na dziejańni MUS i Miniusta pa ŭklučeńni jaho ŭ śpisy nievyjaznych pieraniesieny na 22 červienia.
Skarhu razhladaje sud Maskoŭskaha rajona Minska, praces viadzie sudździa Volha Hłušakova.
«Choć dziejańni pa maich skarhach pavinny byli raspačać čynoŭniki tych ministerstvaŭ i viedamstvaŭ, kudy ja ich nakiroŭvaŭ, — raspavioŭ u intervju BiełaPAN Pahaniajła, — mnie samomu daviałosia źbirać dokazy svajoj, skažam tak, nievinavataści, paćviardžać tyja abstaviny, što ja — nie „kazioł“.Ja sabraŭ z sudoŭ ahulnaj jurysdykcyi, haspadarčych sudoŭ i upraŭleńniaŭ justycyi źviestki, u jakich značyłasia, što
nivodzin sud Biełarusi nie prymaŭ u dačynieńni da mianie zaścierahalnych mier u vyhladzie časovaha zabarony na vyjezd za miežy krainy i adpaviednyja źviestki nie pradstaŭlaŭ u viedamasny bank źviestak Ministerstva justycyi. I, adpaviedna, Miniust nie padavaŭ takija źviestki ŭ MUS, dzie ja fihuruju jak asoba, abmiežavanaja ŭ pravach na vyjezd».
Pahaniajła nahadaŭ, što
ŭ svaich publičnych vystupach kiraŭnik dziaržavy nie raz kazaŭ ab śpisie nievyjaznych apazicyjanieraŭ i pravaabaroncaŭ, jakija ŭniesienyja ŭ jaho ŭ pakarańnie za toje, što patrabujuć užyvańni sankcyj da Biełarusi.«Heta dumki hramadzian, jakija mohuć krytykavać urad, što nie supiarečyć Kanstytucyi i zakonam krainy, — zajaŭlaje pravaabaronca. — Tyja hramadzianie i haspadarčyja subjekty, chto trapiŭ pad sankcyi zachodnich krain, majuć mahčymaść abskardzić hetyja dziejańni ŭ zamiežnych sudach. Adnak jany hetaha nie robiać, sprabujučy ŭ ideałahičnym, palityčnym płanie vykarystoŭvać sankcyi jak pudziła, jak tłumačeńnie niaŭdač unutry krainy, u tym liku i ekanamičnych».
Pakolki ŭ sud ni da, ni paśla abiedu nie źjaviŭsia pradstaŭnik MUS Biełarusi, sudździa vyrašyła pieranieści pasiadžeńnie na 22 červienia.
Ciapier čytajuć
Palaki kuplajuć damy ŭ Biełarusi — cikaviacca, ci chopić na žyćcio jeŭrapiejskaj piensii, i radujucca śmiešnym vydatkam9
Kamientary