Truna ź ciełam niabožčyka Źvijada Hamsachurdyja prybyła na radzimu: pa darozie kartež z 50 mašyn sustrakali prostyja ludzi, jakija chacieli raźvitacca ź pieršym prezydentam Hruzii.
Truna ź ciełam niabožčyka Źvijada Hamsachurdyja prybyła na radzimu: pa darozie kartež z 50 mašyn sustrakali prostyja ludzi, jakija chacieli raźvitacca ź pieršym prezydentam Hruzii. Miž tym, ułady Tbilisi dahetul nie damovilisia ź siamjoj pra miesca zachavańnia pareštkaŭ.
Pareštki Źvijada Hamsachurdyja prybyli ŭ Tbilisi. Da suboty jany buduć znachodzicca ŭ radavym domie siamji Hamsachurdyja «Kołskaja vieža» ŭ centry Tbilisi.
Paśla afarmleńnia naležnych dakumentaŭ na KPP «Vierchni Łars» na hruzinska‑rasiejskaj miažy žałobny pajazd 50 mašynaŭ zajechaŭ na terytoryju Hruzii: pa darozie jaho sustrakali ludzi, jakija chacieli vykazać svaje spačuvańni svajakam Hamsachurdyja. Z voli siamji, pakul truna ŭstalavanaja ŭ «Kołskaj viežy», mažliva, paźniej jaje pieraniasuć u katedralny sabor Śviatoj Trojcy, dzie katalikos‑patryjarch usiaje Hruzii maje adsłužyć panichidu. Rašeńnie pra heta jašče nie pryniali, i mažliva, što trunu nikudy nie paviazuć — siamja vyrašyć paźniej.
Pachavańnie pieršaha prezydenta Hruzii maje adbycca ŭ subotu, 31 sakavika. Dzie mienavita pachavajuć Hamsachurdyja, pakul niemaviedama.
Jak paviedamiŭ raniej žurnalistaŭ vice‑mer Tbilisi Mamuka Achvledzijani, pastanavili pachavać jaho ŭ panteonie piśmieńnikaŭ i hramadzkich dziejačoŭ na hary Mtacminda.
Sa słovaŭ Achvledzijani, damoŭlenaść pra pachavańnie pieršaha prezydenta Hruzii ŭ panteonie na Mtacmindzie dasiahnutaja ź jahonym synam Hieorhijem Hamsachurdyja. Žonka niabožčyka nastojvaje na tym, kab pareštki muža byli pachavanyja ŭ dvary saboru Śviatoj Trojcy. Suprać hetaha vystupiła hruzinskaja pravasłaŭnaja carkva. Tady siamja prapanavała pachavać jaho ŭ dvary radavoha doma 1933 h.
Źvijad Hamsachurdyja, jaki naradziŭsia ŭ 1939 h., byŭ prezydentam Hruzii ŭ 1991—1992 h. U lutym 1992 h. u čas hramadzianskaj vajny Hamsachurdyja byŭ zmušany biehčy ŭ Hrozny, dzie zastavaŭsia da kanca 1993 h. 31 śniežnia 1993 h. u adnym z pasieliščaŭ Calendžyskaha rajonu Hruzii, sa słovaŭ asabistaj achovy i haspadara domu, dzie chavaŭsia prezydent, Hamsachurdyja skončyŭ žyćcio samahubstvam, streliŭšy sabie ź pistaletu ŭ hałavu, abo byŭ zabity. U lutym 1994 h. na patrabavańnie žonki cieła Hamsachurdyja była vyviezienaje z Hruzii i pachavanaje ŭ Hroznym. Reštki Hamsachurdyja znajšli i ekshumavali ŭ stalicy Čačenii 3 sakavika biahučaha hodu.
Kamientary