Pjany z žonkaj uciakaŭ ad DAI, trapiŭ u avaryju — žančyna zahinuła
Da hetaha kiroŭcu piać razoŭ zatrymlivali niećviarozym.
Trahiedyja zdaryłasia 1 žniŭnia ŭ Ašmianach, paviedamlaje sajt DAI Hrodna i Hrodzienskaj vobłaści.
U dziažurnuju čaść Ašmianskaha RAUS patelefanavała vidavočca i raskazała pra nie zusim adekvatnyja pavodziny kiroŭcy «Micubisi», jaki adjazdžaŭ ad svajho doma. Žančyna paviedamiła pra napramak, u jakim pajechała aŭto. Tudy vyjechaŭ narad DAI. Nieŭzabavie padazronaje aŭto vyjavili, ale kiroŭca nie adreahavaŭ na zahad spynicca i pačaŭ uciakać.
Na zakruhleńni vulicy Barunskaj jon vyjechaŭ za miežy prajeznaj častki. Pieraskočyŭšy pravy bardziur mašyna ŭźlacieła nad ziamloj i pieralacieła praz płot žyłoha doma. Urezaŭšysia pravaj piaredniaj častkaj u kut cahlanaha budynka, miniven pierakuliŭsia. Ni kiroŭca, ni jahonaja pasažyrka (žonka) nie byli pryšpilenyja ramianiami biaśpieki. Žančyna ad atrymanych traŭmaŭ pamierła.
Jak vyśvietliłasia, kiroŭca «Micubisi» byŭ pjany. Utrymańnie ałkaholu ŭ jaho arhaniźmie pieravysiła 2,4 pramile — heta ŭ vosiem razoŭ bolš za normu. Da lipienia 2013 hoda jon byŭ pazbaŭleny prava kiravańnia. A za ździajśnieńnie avaryi z hibiellu pasažyrki ryzykuje zastacca za kratami, dzie ciapier užo znachodzicca.
Ciapier čytajuć
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać5
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary