Hramadskaje abjadnańnie «Ruch «Za Svabodu» pradstaviła 15 žniŭnia ŭ Minsku novuju viersiju «Narodnaj prahramy».
Jak paviedamiŭ na prezientacyi kaardynatar prajekta, namieśnik staršyni ruchu «Za Svabodu» Juryj Hubarevič, prahrama ŭklučaje prapanovy pa refarmavańni hramadskaj, ekanamičnaj i palityčnaj sistemy Biełarusi. «Jana pačała stvaracca pierad prezidenckimi vybarami 2010 hoda, a najbolej aktyŭnaja faza jaje stvareńnia pryjšłasia na kryzis 2011 hoda. Za hety pieryjad my zmahli pryciahnuć da pracy nad prahramaj prykładna 40 biełaruskich ekśpiertaŭ u roznych śfierach — ad ekanomiki da sacyjalnaj palityki», — skazaŭ Hubarevič.
Pry hetym jon paviedamiŭ, što prahrama stvarałasia z ulikam hramadskaj dumki.«My apublikavali jaje prajekt na sajcie. Pad bolš jak 20 temami my atrymali sotni krytyčnych vodhukaŭ, jakija byli ŭličany pry raspracoŭcy prahramy», — adznačyŭ namieśnik staršyni ruchu «Za Svabodu» .
Pavodle jaho słoŭ, u miežach stvareńnia prahramy było praviedziena bolš jak 40 kruhłych stałoŭ u Biełarusi z udziełam ekśpiertaŭ i metavych hrup. Takim čynam, była stvorana baza prapanoŭ pa refarmavańni Biełarusi, jakuju mohuć vykarystoŭvać na parłamienckich vybarach 2012 hoda kandydaty ŭ deputaty, padkreśliŭ palityk.
«Siońnia značnaja kolkaść apazicyjnych aktyvistaŭ maje namier vykarystoŭvać ahitacyjny pieryjad vybarčaj kampanii dla papularyzacyi idej refarmavańnia i madernizacyi Biełarusi. „Narodnaja prahrama“ prapanuje im svaje napracoŭki i svaje idei dla publikacyi ich u dziaržaŭnych srodkach masavaj infarmacyi, dla vystupleńnia na radyjo i telebačańni, dla vykarystańnia va ŭlotkach i inšaj ahitacyjnaj pradukcyi», — padkreśliŭ Hubarevič.
Jon paviedamiŭ, što isnuje damoŭlenaść z 54 patencyjalnymi kandydatami ŭ deputaty, jak partyjnymi, tak i niezaležnymi, pa vykarystańni hetaj prahramy.
«My płanujem, što pry dapamozie ich my zmožam achapić prykładna 3,5–4 młn. vybarščykaŭ Biełarusi», — zajaviŭ namieśnik staršyni ruchu «Za Svabodu» .
Jak adznačyŭ adzin z ekśpiertaŭ, jakija pracavali nad stvareńniem «Narodnaj prahramy», ekanamist Siarhiej Čały, jana adroźnivajecca ad astatnich padobnych partyjnych dakumientaŭ. «
Pavodle jaho słoŭ, «u prahramie niama ničoha asabliva novaha», ale «kali pačać jaje realizoŭvać i davieści jaje realizacyju da kanca, u histaryčna nievialiki adrezak času — navat mieniej jak 10 hadoŭ — možna pabudavać novuju efiektyŭnuju ekanomiku».
Siarhiej Pulša, BiełaPAN.
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać6
Kamientary