11 vieraśnia ŭ Nacyjanalnym histaryčnym muziei Biełarusi adbyłosia adkryćcio vystavy «Siarhiej Vajcachoŭski. Hienierał dźviuch armij», arhanizavanaj sumiesna z pasolstvami Čechii i Słavakii ŭ Biełarusi.
«U Čechii i Słavakii imia Siarhieja Vajcachoŭskaha bolš viadomaje, čym na jaho radzimie — u Biełarusi. Pryśviečanaja jamu vystava dapamoža raskazać biełarusam ab tym, chto ž taki hienierał Vajcachoŭski, i adnavić histaryčnuju spraviadlivaść», — upeŭnieny arhanizatary.
Siarhiej Vajcachoŭski naradziŭsia ŭ 1883 hodzie ŭ dvaranskaj siamji ŭ Viciebsku. Słužyŭ na Kaŭkazie, Dalokim Uschodzie i ŭ Biełastoku, Maskoŭskaj vajennaj akruzie. Kastryčnicki pieravarot 1917 hoda nie pryniaŭ, tamu praciahnuŭ słužbu ŭ čechasłavackim lehijonie. Vajavaŭ z Čapajevym i budučym savieckim maršałam Tuchačeŭskim. U emihracyi ŭ 1921 hodzie atrymaŭ zaprašeńnie ad čechasłavackaha ŭrada na vajennuju słužbu i čechasłavackaje hramadzianstva.
U 1943 hodzie Vajcachoŭski nie pryniaŭ prapanovu niemcaŭ uznačalić Ruskuju vyzvalenčuju armiju zamiest hienierała Ułasava, a ŭ mai 1945 hoda byŭ aryštavany orhanami savieckaj kontrraźviedki i pryhavorany da 10 hadoŭ źniavoleńnia.U 1996 hodzie byŭ reabilitavany, u 1997 hodzie ŭkazam prezidenta Čechii Vacłava Havieła ŭznaharodžany vyšejšaj uznaharodaj respubliki — ordenam Biełaha Lva
Kamientary