Śledčy kamitet Biełarusi 26 vieraśnia raspaŭsiudziŭ paviedamleńnie, što były staršynia Homielskaha harvykankama, a da hetaha času namieśnik hiendyrektara pradpryjemstva «Homielahrapromprajekt» Viktar Pilipiec 19 vieraśnia źmieščany pad vartu pa padazreńni ŭ pieravyšeńni słužbovych paŭnamoctvaŭ. Jon byŭ zatrymany ŭ ramkach rasśledavańnia kryminalnaj spravy ŭ dačynieńni da słužbovych asob unitarnaha kamunalnaha pradpryjemstva «UKB Homielskaha harvykankama».
Jon paabiacaŭ, što čynoŭniki «siaduć na łavu padsudnych».22 vieraśnia, vystupajučy pierad žurnalistami na
fiestyvali-kirmašy «Dažynki», Alaksandr Łukašenka zajaviŭ, što «niekatoryja čynoŭniki, jak heta było ŭ Homieli, kuplali, budavali kvatery za 20 tys. dalaraŭ i pierapradavali zatym za 50 tys.».
Pa «spravie UKB» raniej KDB aryštavaŭ słužbovych asob upraŭleńnia kapitalnaha budaŭnictva. Jany padazrajucca ŭ pieravyšeńni słužbovych paŭnamoctvaŭ.
Pavodle źviestak KDB, čynoŭniki raźmierkavali 25 kvater, pieršapačatkova pryznačanych dla hramadzian, domaŭładańni jakich padlahali znosu ŭ suviazi z adabrańniem ziamielnych učastkaŭ dla dziaržaŭnych patreb.Pakazanyja kvatery byli raźmierkavany siarod rabotnikaŭ UKB, ich svajakoŭ i znajomych pa cenach u niekalki razoŭ nižej za rynkavyja.
Jak paviedamiŭ BiełaPAN kampietentnaja krynica, nie vyklučana, što z «spravaj UKB» źviazana i vyzvaleńnie 6 vieraśnia ad pasady pamočnika prezidenta — hałoŭnaha inśpiektara pa Homielskaj vobłaści Ihara Prakapienki.Jon bałatavaŭsia ŭ pałatu pradstaŭnikoŭ, ale 17 vieraśni źniaŭ svaju kandydatu. Jaho los pakul nieviadomy.
Krynica miarkuje, što da spravy mohuć być datyčnyja niekatoryja čynoŭniki abłvykankama. Da prykładu, ź niadaŭniaha času na sajcie abłvykankama niama dadzienych ab pieršym namieśniku staršyni. Raniej hetuju pasadu zajmaŭ Alaksandr Baranaŭ.
Mahčyma, što źviazany z «spravaj UKB» i były pieršy namieśnik staršyni harvykankama Alaksandr Rańko.Prynamsi, u lipieni jaho na pasadzie źmianiŭ Anatol Čyścik. U tym miesiacy źjaviłasia infarmacyja ab zatrymańni čynoŭnikaŭ UKB.
Kamientary