«Ja tiebia posažu k błatnym, tam tiebia ottrachajut, poniał?»

Źmicier Daškievič trymaje haładoŭku ŭ Mazyrskaj kałonii.

Paśla sustrečy z advakatam stali viadomyja pryčyny haładoŭki.

Jak vynikaje ź infarmacyi, pratest staŭ adkazam na dziejańni administracyi kałonii, u pryvatnaści, jaje načalnika Juryja Bahdanaviča Zbaroŭskaha. Źmicier Daškievič pieradaŭ, što spynić haładoŭku tolki tady, kali turemnaje načalstva pierastanie jaho ckavać i abražać.

Voś što apublikavaŭ sajt Maładoha Frontu.

— Źmicier Daškievič prybyŭ u Mazyr ŭ PK-20. Pry pieršaj sustrečy z kiraŭnikom kałonii toj pacikaviŭsia, jakuju vieru spaviadaje Daškievič.

Pačuŭšy spakojnaje «pratestant», jon raspavioŭ Daškieviču šmat novaha pra hetuju kanfiesiju, naprykład: «Eti vaši siekty nasaždajutsia Zapadom, čtoby razrušiť słavianskuju rasu!». Bje siabie ŭ hrudzi pa pravasłaŭnym miedali i praz maty praciahvaje: «Eto Vy słavianskuju rasu razrušajetie!» Tak pieradaje źmiest razmovy Daškievič.

— Źmicier admoviŭsia prybirać karancin (atrad, dzie pa prybyćci ŭ kałoniju pieršyja tydni nachodziacca viaźni).

Atradnik karancina chadajničaje pra razmovu ź im. Źbirajecca kamisija. 7 čałaviek. Kiraŭnik Juryj Bahdanavič Zbaroŭski: «Tak, ty budzieš tut kačať prava, baptist, dvaždy kodirovannyj ałkoholik, homosiek? Ty — kučka hovna, a nie prieḿjer-ministr Francii». Usie kryčać na Źmitra: «Posmotritie, tupaja zatočka kakaja u nieho? Da on žie diebił!» Z takoju kamisijaj Daškievič razmaŭlać admoviŭsia. U hety dzień jaho pazbavili ŭsich doŭhich spatkańniaŭ i dali vymovu.

— U barak, kudy tolki-tolki zaviali Daškieviča i dzie žyvie kala saraka čałaviek, pryjšoŭ režymny supracoŭnik i znajšoŭ na stale lazo.

Adrazu źviarnuŭšysia da Daškieviča, jon pytajecca: «Što, uskrycca vyrašyŭ?»

Paviali da načalnika režymnaha adździełu. «Piši, hdie vział!» — zahadvaje jon. «Dy nie majo», — adkazvaje Daškievič.

— «Było najdieno u tiebia v ličnych vieŝach! Da čto ty dumaješ pro siebia? Ty žie ałkaš, nižie plintusa, kučka hovna, ty zdorov́je svojo ostaviš zdieś v ŠIZO, ty mienia poniał? Ja tiebie obieŝaju!» Źmicier zamiest hetaj zajavy pieradaŭ jamu zajavu pra toje, što jon raspačynaje haładoŭku. Načalnik režymnaha adździełu jaje źmiaŭ i vykinuŭ, ale pry hetym skazaŭ: «Ja tiebia posažu k błatnym, tam tiebia ottrachajut, poniał? Piši objaśnienija, ja tiebie skazał!» — «Ja tabie pisać ničoha nie budu», — kaža Źmicier. «Čto? Čto ty skazał? Da ja siejčas raport napišu o niedołžnom obraŝienii ko mnie! « — „Pa tym, jak ty mnie tut „tykaješ“ ja padumaŭ, što my ŭžo faktyčna siabry“.

— Pryjšoŭšy nazad u karancin, Daškievič raspaviadaje kiraŭniku karancinu: „Heta debilizm u kubie paśla Horak“.

U hetym čas u pamiaškańni prysutničaŭ niejki major, jaki, padsłuchaŭšy razmovu, dadzienuju repliku raśpisaŭ u čarhovym raparcie — „mat, abraza administracyi“. I, jak vynik, ranicaju novaja kamisija. Pazbavili ŭsich karotkich spatkańniaŭ. Źmicier hladzieŭ na heta ŭsio i maŭčaŭ… Ale kiraŭniku i hetaja reakcyja była niedaspadoby: „Tak ty mołčiš, provociruješ?! Postaviť tiebia na prof.učiot u psichołaha?“ Psichołah paddaknuła: „Da-da, jeŝio nado kak i suicidnika postaviť na učiot, on žie leźvije priatał!“

Źvierniem Vašuju ŭvahu, što pastavić čałavieka na ŭlik jak suicydnika — heta faktyčna raźviazać ruki administracyi kałonii

i mieć biezdakornaje tłumačeńnie ŭ vypadku niejkich zdareńniaŭ — „ion ža suicydnik“…

— Paśla takich i mnohich inšych incydentaŭ Źmicier admoviŭsia vykonvać lubyja zahady,

jaho adpravili znoŭ na kamisiju, ale tam dali novy termin ŠIZA.

— Pakolki Źmicier nie byŭ peŭny, ci dałučyli da asabistaj spravy infarmacyju pra haładoŭku, jon vyrašyŭ chadzić z ŠIZA dva razy na sutki mierać cisk, kab było śviedčańnie taho, što jon ad haładoŭki nie admoviŭsia

i nie admovicca da taho času, pakul staŭleńnie da jaho nie źmienicca i prabačeńniaŭ u jaho nie paprosiać. Ale lekarka prosta vyhnała jaho z krykami: " Pošieł von!». Źmicier napisaŭ na heta skarhu ŭ mazyrskuju prakuraturu, ale ci vyjšła jana pa-za miežy kałonii, nichto nie viedaje.

«Źmicier Daškievič u kałonii ŭsiaho tydzień. Što moža być dalej — ciažka ŭjavić…

U razmovie sa mnoju načalnik režymnaha adździeła pryhraziŭ, što kali niešta vyjdzie ŭ ŚMI — Daškieviču budzie horš. Ale ja nie baču inšaha varyjanta, akramia ahučvańnia hetych žudasnych rečaŭ. Darečy, načalnik kałonii sprabavaŭ vykrucić hetuju historyju naadvarot — maŭlaŭ, Źmicier varjacieje, łajecca matam na ich, abražaje…», — raspaviała padrabiaznaści Nasta Pałažanka.

Nasta Pałažanka zaklikaje pisać Źmitru Daškieviču listy na adras:

Mazyr-11, PK-20, 247760

Taksama možna kiravać telehramy načalniku kałonii Zbaroŭskamu Juryju Bahdanaviču na adras: Mazyr -11, PK-20, 247760

• 0
• 0
• 0
• 0
• 0
• 0
• 0
• 0