Žurnalistka Iryna Chalip nazyvaje pravakacyjaj zajavy kiraŭnika Biełarusi Alaksandra Łukašenki ab svaim vyzvaleńni.
Pra toje, što jana moža svabodna vyjaždžać ź Miensku, Alaksandar Łukašenka zajaviŭ u interviju žurnalistam brytanskaj hazety The Evening Standard. Irynu Chalip pryznali vinavataj i asudzili na dva hady pazbaŭleńnia voli z adterminoŭkaj na dva hady za ŭdzieł u akcyi pratestu paśla prezydenckich vybaraŭ 19 śniežnia 2010 hodu.
Na pytańnie zamiežnych žurnalistaŭ, čamu Iryna Chalip nia moža vyjechać u Maskvu, Alaksandar Łukašenka vykazaŭ ździŭleńnie: jon, maŭlaŭ, nia viedaje ni pra jaje abmiežavańnie na vyjezd, ni ŭvohule — dzie jana.A zatym kiraŭnik krainy zajaviŭ, što jon pryniaŭ rašeńnie i žurnalistka moža pakinuć Miensk. Pra heta Iryna Chalip daviedałasia ad samich žurnalistaŭ, jakija brali interviju: «Zachodnija žurnalisty, jak i rasiejskija, darečy, kali sustrakajucca z takoj upeŭnienaściu, to jany pačynajuć dumać: a moža, tak i jość? Žurnalisty, jakija brali hetaje interviju ŭ Łukašenki na minułym tydni, jany adrazu pryjechali da mianie i skazali: usio, ty volnaja — nam asabista heta było skazana. Ja im prosta nahadała ŭsie zajavy Łukašenki adnosna palitźniavolenych, što ich uvohule niama, i što jon nia viedaje pra moj aryšt, i šmat što inšaje ja im pryhadała».
Zahadčyca inspekcyi vykanańnia pakarańniaŭ Partyzanskaha RUUS Miensku Natalla Kalada admoviłasia paviedamić, ci sapraŭdy ŭmovy adbyćcia pakarańnia dla Iryny Chalip źmienienyja:
«My nijakaj infarmacyi nia možam vam davać, i ja nijakaj infarmacyi vam nia dam».
U svaju čarhu, sama Iryna Chalip kaža, što, sa słovaŭ supracoŭnikaŭ milicyi, u jaje statusie nijakich źmienaŭ nie adbyłosia. Zroblenyja kiraŭnikom krainy zajavy pra skasavańnie pakarańnia Iryna Chalip nazyvaje sprobaj pravakacyi: «Mianie vielmi ździviła, što čałaviek spakojna i ŭpeŭniena sprabavaŭ śćviardžać, što mianie niama ŭ Biełarusi, što ja ŭ Maskvie, dobra viedajučy, dzie ja i što sa mnoj. Taksama źviarnicie ŭvahu, što niekalki razoŭ im nastojliva było skazana, maŭlaŭ, što ŭžo siońnia ŭviečary — zabirajcie, i niachaj jedzie ŭžo siońnia ŭviečary. Ja mahu rascanić heta jak sprobu pravakacyi. Bo
kali b ja była hetkaj ža naiŭnaj, jak brytanskija žurnalisty, to sieła b u ciahnik, kab naviedać, da prykładu, svaju redakcyju ŭ Maskvie. A ŭ Voršy mianie b užo čakali».
Pra toje, što Łukašenka admysłova ŭvodzić žurnalistaŭ u zman albo niekampetentny ŭ pravavych pytańniach, kaža pravaabaronca Uładzimier Łabkovič:
«Nie vaźmusia davać maralnuju acenku spadaru Łukašenku i jahonym zajavam. Ale jany, biezumoŭna, zroblenyja albo kab uvieści ŭ zman žurnalistaŭ, albo hetyja zajavy elementarna niekampetentnyja. Bo
adnosna Iryny Chalip vykarystanaja takaja forma pakarańnia, jak adterminoŭka. Joj byŭ pryznačany nahlad, i toje, što kaža Łukašenka — absalutna niekampetentna».
Čas adterminoŭki prysudu ab dvuchhadovym źniavoleńni dla Iryny Chalip zakančvajecca 20 lipienia 2013 hodu. Jaje spravu paŭtorna pieradaduć u sud, jaki prymie rašeńnie — vyzvalić žurnalistku, nakiravać jaje ŭ turmu albo pakinuć ciapierašni status jašče na niapeŭny čas.
Ciapier čytajuć
Što aznačaje rasśledavańnie Mižnarodnaha kryminalnaha suda dla Łukašenki i biełarusaŭ? Tłumačyć Kaciaryna Dziajkała17
Kamientary