U stalicy Paŭnočnaj Karei prachodzić rok?fest «Rok dziela miru». Za žaleznuju zasłonu zaprošanyja muzyki z kapitalistyčnych krainaŭ. Siarod tych, chto aformiŭ zajaŭku na ŭdzieł u Pchieńjanie apynuŭsia hurt «Lapis Trubiacki»
U stalicy Paŭnočnaj Karei Pchieńjanie z 1 pa 4 traŭnia projdzie rok?fest «Rok dziela miru». Za sučasnuju žaleznuju zasłonu byli zaprošanyja muzyki z kapitalistyčnych krainaŭ, u tym liku z ZŠA. Siarod tych, chto aformiŭ zajaŭku na ŭdzieł u paŭnočnakarejskim Vudstoku apynuŭsia biełaruski hurt «Lapis Trubiacki», jakaja pradstavić svoj novy albom «Kapitał».
Dazvoł na toje, kab uziać udzieł u feście ŭ KNDR, atrymali vykanaŭcy, jakija ihrajuć va ŭsich muzyčnych stylach, až da «ciažkaha mietału». Adzinaje abmiežavańnie, abumoŭlenaje arhanizatarami: u tekstach piesień nie pavinna źmiaščacca prapahanda vajny, seksu, hvałtu, narkotykaŭ, kałanijalizmu i rasizmu, a taksama krytyki ŭ adras KNDR i sacyjalizmu. U vyniku byli atrymanyja zajaŭki ad 41 hrupy z 19 krain śvietu, paviedamlaje Strana.Ru.
Pra fest u Karei hurt daviedaŭsia amal paŭhoda tamu i adrazu ž vysłaŭ zajaŭku na ŭdzieł. Nieŭzabavie pradziusier hrupy Jaŭhien Kałmykoŭ atrymaŭ paćvierdžańnie ab ŭdziele. Na mierkavańnie ŭdzielnikaŭ «Lapisa Trubiackoha», pajezdka ŭ Kareju stała «asabliva aktualnaj u śviatle novaha alboma hrupy, pracoŭnaja nazva jakoha hučała jak «Tłušč i załatoje sała». Ale, urešcie, albom atrymaŭ nazvu «Kapitał», jon ź`iaŭlajecca kanceptualnym praciaham papiaredniaha dyska «Załatyja jajki», a siarod jaho hałoŭnych tem — kapitalizm i antyhłabalizm, ale ŭ śpiecyfičnym, «lapisaŭskim» razumieńni.
«My nie malujem karcin brutalnaj rečaisnaści i nie pišam antyhłabalisckich ahitak, —śćviardžaje lider kalektyvu Siarhiej Michałok. — My pakazvajem toje, što adbyvajecca, praz humar, naša meta — dać ludziam pahladzieć na siabie z boku, abudzić u ich samaironiju. Tolki jana zdolnaja vyratavać hramadstva i śviet. Bo sapraŭdnaja revalucyja pavinna adbycca ŭ hałavie».
Varta adznačyć, što novy dysk hurtu «Lapis Trubiacki» užo pastupiŭ u prodaž u Rasiei, Biełarusi i Ukrainie da śviata Pieršamaja — što taksama, na zadumu muzykaŭ, ź`iaŭlajecca častkaj kancepcyi alboma. Bolš za toje, u Internecie ŭžo ź`iaviŭsia klip na pieśniu «Kapitał», jaki ŭžo ciapier možna nazvać adnym z samych jarkich i niezvyčajnych u klipahrafii «Lapisa Trubiackoha». Siarhiej Michałok pradstaŭleny ŭ im u vyhladzie šmathałovaha i šmatrukaha Šyvy viercham na ŭvieś čas mianiajučym abličča kazačnym źviery jedzie pa śviecie. Vakoł lidera Lapisaŭ razhortvajucca apakaliptyčnyja karciny, składzienyja ź simvałaŭ sučasnaj cyvilizacyi, a pieryjadyčna na ekranie ź`iaŭlajucca suśvietnyja dyktatary — Fidel Kastra, Uha Čavies, Kim Ir Sien, Kim Čen Ir, Machmud Achmadziniežad, Alaksandr Łukašenka i Sadam Chusiejn.
Rok?fest «Rok dziela miru» — zusim nie adzinaje maštabnaje muzyčnaje mierapryjemstva krainy. Tak, u krasaviku kožnaha hoda ŭ Pchieńjanie pravodzicca muzyčny fest «Krasavickaja viasna», pryśviečany dniu naradžeńnia niabožčyka pravadyra Kim Ir Siena. I, čas ad času, u jaho prahramie źjaŭlajucca rok?muzyki zachodnich krain.
Taksama štohod, u žniŭni, u Pchieńjanie prachodzić znakamity dvuchmiesiačny fest Aryranh, u jakim biaruć udzieł dziesiatki tysiač artystaŭ i muzykaŭ. Heta adziny siezon, kali ŭ kamunistyčnuju respubliku prybyvaje mnostva zamiežnych turystaŭ. Praŭda, takaja pajezdka mahčymaja tolki praz Kitaj, i ŭklučajučy padarožža pa Padniabiesnaj, abychodzicca cikaŭnym u čatyry tysiačy dalaraŭ.
Kamientary