Urad Rasiei ŭchvaliŭ budaŭnictva druhoj vietki Bałtyjskaj trubapravodnaj systemy ŭ abychod Biełarusi
Urad Rasii ŭchvaliŭ budaŭnictva druhoj vietki Bałtyjskaj trubapravodnaj sistemy (BTS‑2) u abychod Biełarusi. Adpaviednaje rasparadžeńnie padpisaŭ premjer‑ministr Rasii Michaił Fradkoŭ, paviedamiła pres‑słužba rasijskaha ŭradu.
Takim čynam, urad pryniaŭ prapanovu Minpramenierha Rasii i adkrytaha akcyjaniernaha tavarystva «Akcyjaniernaja kampanija pa transparcie nafty «Tranśniefć» ab prajektavańni druhoj vietki Bałtyjskaj trubapravodnaj sistemy. Nahadajem, što hety prajekt dvojčy adpraŭlaŭsia ŭradam Rasii na dapracoŭku.
Jak paviedamlałasia raniej, pa inicyjatyvie rasijskaj kampanii «Tranśniefć» płanujecca pabudavać vietku naftapravoda «Unieča (Branskaja vobłaść) — Prymorsk (Leninhradskaja vobłaść)». Raniej prezident «Tranśniefci» Siamion Vajnštok zajaŭlaŭ, što budaŭnictva naftapravoda ŭ abychod Biełarusi moža pačacca ŭ krasaviku. Termin budaŭnictva — paŭtara hady. Mahutnaść naftapravoda — 50 młn. ton nafty za hod.
Nahadajem, 8 studzienia 2007 hoda ŭ vyniku kanfliktu Rasii i Biełarusi pa pytańni pošlin na tranzit nafty byli prypynienyja pastaŭki vuhlevadarodnaj syraviny pa naftapravodzie «Družba», što prachodzić cieraź biełaruskuju terytoryju. Paśla admieny Minskam pošliny prapampoŭvańnie nafty adnaviłasia. Zachodnija spažyŭcy zajavili ab niedapuščalnaści padobnych krokaŭ, a prezident Rasii daručyŭ paskoryć raspracoŭku alternatyŭnych maršrutaŭ pastavak nafty ŭ Jeŭropu. Vice‑prezident «Tranśniefci» Siarhiej Hryhorjeŭ 12 krasavika paviedamiŭ rasijskamu vydańniu «Kommiersant'», što prajekt, jaki kampanija nakiravała ŭ Minpramenierha, byŭ z samaha pačatku raźličany na prapampoŭvańnie 50 młn. ton nafty za hod. Praŭda, zatym prezident «Tranśniefci» Siamien Vajnštok zajaviŭ, što abjom prapampoŭvańnia moža być pavialičany da 80 młn. ton nafty za hod. Ciapier cieraz Unieču prapampoŭvajecca kala 100 młn. ton nafty za hod: 80 młn. ton idzie ŭ Jeŭropu, 20 młn. — ekspartujecca na zavody Biełarusi. Budaŭnictva BTS‑2 dazvolić Rasii pavialičyć prapusknuju zdolnaść porta Prymorsk da 150 młn. ton nafty za hod i całkam admovicca ad tranzitu nafty pa terytoryi Biełarusi i Polščy ŭ ES.
Kamientary