Francuskaja hazeta «Le Monde» nadrukavała kopiju spravazdačy, padrychtavanaj, jak śćviardžajecca, pamočnikami kiraŭnika pramaskoŭskaje administracyi Čačenii Achmada Kadyrava i pieradadzienaj u sakaviku Ŭładzimieru Pucinu. Pavodle spravazdačy, za 2002 h. u Čačenii było zabita 1314 cyvilnych asobaŭ.
Padajecca j śpis z 49 vyjaŭlenych miescaŭ masavych pachavańniaŭ. U adnym ź ich, u centry Hroznaha, vyjaŭlena 260 ciełaŭ. Pablizu dačnaha pasiołku Chankała, dzie mieścicca najbolšaja rasiejskaja vajskovaja baza, znojdziena 43 trupy, u Ałchan-Kale — 35 i h.d.
U druhoj častcy dakładu pieraličanyja zabojstvy, vypadki znachodki ciełaŭ ź śladami hvałtoŭnaje śmierci dy čałaviečych pareštkaŭ. Pra mahčymuju datyčnaść da złačynstvaŭ rasiejskich vojskaŭ śviedčyć ich dyślakacyja ŭ najbližejšych ad miescaŭ zabojstvaŭ čačenskich vioskach.
U studzieni—sakaviku 2003 h. u Čačenii zafiksavana 70 zabojstvaŭ, 126 vykradańniaŭ, 19 źniknieńniaŭ i 25 vypadkaŭ znachodžańnia frahmentaŭ čałaviečych ciełaŭ.
Navošta ž byŭ zrobleny hety dakład? Hazeta tłumačyć jaho padrychtoŭku ambicyjami Kadyrava, jaki chacieŭ by ŭmacavać svaje palityčnyja pazycyi i źmienšyć upłyŭ vajskoŭcaŭ, što akupujuć respubliku.
Pres-sakratar Kramla pa Čačenii Siarhiej Jastržembski nie paćvierdziŭ i nie abvierh infarmacyi pra spravazdaču.
Pavodle «Le Monde»
Ciapier čytajuć
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja115
Kamientary