Kožny dzień na stancyi metro «Płošča Niezaležnaści» mienčukam i haściam stalicy pakazvajuć na vialikim ekranie multfilmy amerykanskaj vytvorčaści: «Tom i Džery», «Šrek», «Ledavikovy peryjad». Iduć multy biaz huku j bieź pierapynku. Dziasiatki darosłych i dziaciej, što čakajuć ciahnika, zadraŭšy hałavu, hladziać z uśmieškaju, jak kot haniaje myšania ź siakieraj u łapie albo jak zialony durnavaty hoblin čyścić sarcir. Viesieła!
Abminajučy zastyhłych raziavak, ja pryhadvaju artykuł Siarhieja Dubaŭca «Dziacinstva nacyi», nadrukavany ŭ «NN». Biełarusy inšym razam nahadvajuć maleńkich dziaciej. Takich sabie kapryznych škodnikaŭ, jakija pavodziać siabie całkam niepradkazalna. Siońnia amal adnahałosna vystupajuć suprać amerykanskaj ahresii ŭ Iraku, a zaŭtra — valać siemjami ŭ «Makdonaldz», siońnia hnieŭna aburajucca biełaruskimi ŭładami, a zaŭtra, u samy adkazny dla krainy dzień, — jeduć kapać bulbu zamiest taho, kab zapoŭnić albo pakamiečyć biuleteń dla hałasavańnia.
Na henym vieličeznym ekranie mahli b pakazvać filmy z Čarli Čaplinym albo vykštałconuju reklamu — «Kanskich ilvoŭ», naprykład. Niamoje kino i reklamnyja roliki takoha kštałtu jość sapraŭdnym mastactvam, adnačasova raźličanym na masavaha spažyŭca. I adsutnaść huku tut nie prablema. Dyk čamu nam ich nie pakazvajuć, a tolki multy? I voś tut prychodzić razumieńnie: u biełaruskim metro pry hetaj uładzie nikoli nia buduć pakazvać film z Čaplinym. Bo hieroi čaplinaŭskich filmaŭ — takija ž niebaraki ź nierealizavanymi marami i idejami, samotnyja letucieńniki ŭ vialikim śviecie, jak i biełarusy, a vysokaprafesijnaja zachodniaja reklama, dzie demanstrujuć jakasnyja rečy i ščaślivych, pryhožych ludziej, zdolnych ich nabyć, moža vyklikać u nas razdražnieńnie i pratest. A dziaciej nervavać nia treba.
Pavał Abramovič, Miensk
Ciapier čytajuć
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»12
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju44
Kamientary