U Mahiloŭskim abłasnym teatry dramy i kamedyi imia Dunina-Marcinkieviča, što ŭ Babrujsku, nieŭzabavie adbudziecca niezvyčajnaja premjera. U pamiaškańni teatru adčynicca aŭtasalon. Arandatar — tavarystva z dadatkovaj adkaznaściu «Inkomba» — padpisała damovu ab vykarystańni chramu Melpameny na piać hadoŭ. U faje na płoščy ŭ 76,7 kv.m adnačasova buduć vystaŭlacca 5—6 novych inšamarak.
Uchvała harvykankamu ŭžo majecca. U siaredzinie 90-ch teatar užo vykarystoŭvali pad nietradycyjnyja patreby. Tady ŭ im mieścilisia kazyno da videasalon.
Kankretnyja ŭmovy damovy zastajucca tajamnicaj. Kaardynaty firmy nieviadomyja navat dyrektarcy teatru Viery Iljičovaj. Jana kaža, što ź joj nichto nia raiŭsia. Adnak sam fakt adkryćcia aŭtasalonu jana ŭsprymaje stanoŭča: «Častka srodkaŭ ad arendy pavinna pierapaści j teatru». Pavodle papiaredniaj infarmacyi, prezentacyja aŭtasalonu adbudziecca ŭ Dzień horadu — 29 červienia.
Aficyjna teatralny siezon ciapier zakryty da vieraśnia-kastryčnika. Aktorskaja trupa praciahvaje pracavać u raźjezdach — letnich lahierach, damach adpačynku. Bolšaść zaŭziatych teatrałaŭ z nahody adkryćcia aŭtasalonu vykazvajecca dosyć krytyčna. Teatar pavinien zastavacca teatram, a aŭto ŭ im — heta nonsens. Aktory ŭ svaich vykazvańniach aścieražniejšyja. Pryznajučy, što teatar i aŭto rečy niesumiaščalnyja, jany razam z tym spadziajucca, što heta paspryjaje palapšeńniu ciažkoj sytuacyi, u jakoj apynułasia kulturnaja ŭstanova.
Viktar Kačan, Babrujsk
Ciapier čytajuć
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»5
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»
Aktor Toŭścikaŭ: Na pakazie, kali pryjšli zbolšaha rasijskija hledačy — publika śmiajałasia. A kali byli biełarusy, Cichanoŭskaja — stajała poŭnaja cišynia11
Kamientary