Ciaham dvuch apošnich dzion u barysaŭskuju rajonnuju prakuraturu na dopyty vyklikanyja vaśmiora miascovych apazycyjnych aktyvistaŭ, paplečnikaŭ lidera barysaŭskaj supołki Partyi BNF Siarhieja Sałaša.
Ciaham dvuch apošnich dzion u barysaŭskuju rajonnuju prakuraturu na dopyty vyklikanyja vaśmiora miascovych apazycyjnych aktyvistaŭ, paplečnikaŭ lidera barysaŭskaj supołki Partyi BNF Siarhieja Sałaša. Pozvy ŭ prakuraturu atrymali Źmicier Babicki, Siarhiej Sacuk, Źmicier Macielski, Aleh Mackievič i inšyja.
Na pozvach nie napisana ŭ jakaści kaho ŭsie jany vyklikajucca ŭ prakuraturu. Kali Aleh Mackievič zapytaŭsia pra heta, jamu skazali, što vyklikajucca «prosta tak, pa spravie dziejnaści Siarhieja Sałaša». Na pytańnie Mackieviča, ci kryminalnaja heta sprava, u prakuratury nie adkazali. Jašče nichto z vyklikanych na dopyty nie chadziŭ, pieršym u čaćvier maje pajści mienavita Aleh Mackievič. Spravu budzie vieści śledčaja I.Paškievič.
Sam Siarhiej Sałaš nastupnym čynam kamentuje hetuju sytuacyju: «Vidavočna, što specsłužby ŭziali mianie ŭ raspracoŭku. Ciapier sprabujuć «pryšyć» mnie niejkija niezakonnyja dziejańni. Kažuć, što mianie šukajuć z krasavika, ale nijakich papier ci vyklikaŭ u prakuraturu ja nie atrymlivaŭ. Dla mianie absalutna zrazumieła, što heta ŭsio źviazana ź sioletnimi miascovymi vybarami. Kali našaj kamandzie atrymałasia pravieści dosyć udałuju vybarčuju kampaniju. Miascovaja vertykal zrazumieła, što my ŭ stanie pieramahać».
Nahadajem, što pieršapačatkova paśla miascovych vybaraŭ prajšła infarmacyja pra pieramohu na adnym z barysaŭskich učastkaŭ ekanamista Źmitra Babickaha, adnak litaralna praz dva dni vyśvietliłasia, što na 22 hałasy pieramoh jahony kankurent. Siarhiej Sałaš tady byŭ kiraŭnikom inicyjatyŭnaj hrupy Babickaha. Za niekalki dzion da hałasavańnia Sałaša asudzili da piaci sutak aryštu za drobnaje chulihanstva, jon vyjšaŭ ź IČU ŭžo paśla hałasavańnia.
«Kali jany sapraŭdy chočuć zavieści na mianie niejkuju kryminalnuju spravu, to jany praličacca. Heta atrymaje vialiki rozhałas nia tolki ŭ Barysavie i Biełarusi, ale, dumaju, i va ŭsioj Eŭropie», — kaža Siarhiej Sałaš.
«Dyk dadomu zabiary ałkaša abascanaha i vychodžvaj». Małady zahadčyk adździaleńnia balnicy nie strymlivaje siabie ŭ vyrazach u sacsietkach24
Kamientary