15 traŭnia Rasieja admoviłasia spahaniać padatak na dabaŭlenuju vartaść pa miescy vytvorčaści na karyść Ukrainy, pierajšoŭšy na pryniaty va ŭsim cyvilizavanym śviecie mechanizm — spahaniać PDV u krainie pryznačeńnia. Tym samym Rasieja hublaje 800 miljonaŭ dalaraŭ, jakija mahła b brać z enerharesursaŭ, jakija jana pastaŭlaje va Ŭkrainu. Nie bieskaryśliva: uzamien za admovu Ŭkrainy ad kursu na eŭraintehracyju i, viadoma, tolki ŭ tym vypadku, kali prezydentam u kastryčniku budzie abrany Janukovič, a nia Juščanka. Za pradavanyja ŭ Biełaruś enerharesursy Rasieja pa-raniejšamu spahaniaje PDV u siabie.
Vykanaŭčy dyrektar «Biełhazprambanku» Valer Daškievič robić vysnovu, što «ŭ ekanamičnych stasunkach Rasieja pajšła dalej z Ukrainaj, čym ź Biełarusiaj». «Rasieja z usimi krainami SND handluje pavodle pryncypu spahnańnia PDV na miescy pryznačeńnia. Vyklučeńnie rabiłasia tolki adnosna enerhanośbitaŭ — PDV spahaniaŭsia ŭ Rasiei. Admoviŭšysia ad spahnańnia PDV z enerharesursaŭ pa miescy vytvorčaści, Rasieja pajšła na bolš ciesnaje supracoŭnictva z Ukrainaj», — havoryć ekspert.
Miž tym, dasiul za enerharesursy, jakija pastaŭlajucca ŭ Biełaruś, Rasieja sama biare PDV. «Rasieja ŭžo prapanoŭvała pierachodzić na pryncyp spahnańnia PDV u krainie pryznačeńnia — u Biełarusi. Adnak u hetym vypadku Biełaruś musić kuplać enerhanośbity vyklučna pa rynačnych cenach…», — kaža V.Daškievič.
Tym časam «hazavaja vajna» Biełarusi j Rasiei jdzie da čarhovaha abvastreńnia. «Hazprom» niedvuchsensoŭna zapatrabavaŭ ad aficyjnaha Miensku ŭzakonić dvuchbakovyja adnosiny, zaklučyŭšy kantrakt na pastaŭku rasiejskaha hazu ŭ Biełaruś i na tranzyt praz terytoryju krainy. 18 traŭnia staršynia praŭleńnia AAT «Hazprom» Alaksiej Miler nazvaŭ i datu iks — 1 červienia. Na nastupny dzień biełaruski vice-premjer Uładzimier Siamaška pradkazaŭ: damova budzie ŭ červieni.
Poŭny varyjant artukułu čytajcie ŭ hazecie "Naša Niva"
Hleb Chmialnicki
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary