Štohadovyja aficyjoznyja śviatočnyja imprezy na pačatku vieraśnia robiacca tradycyjaj i dazvalajuć vykazać frajdysckuju dumku, što heta ci sublimacyja Aršanskaha śviata, ci jaho ž latentnaja forma.
Ideja nacyi była ahučana, a sami nacyi pačali farmavacca pad upłyvam Anhielskaj revalucyi, amerykanskaj vajny za niezaležnaść i Francuskaj revalucyi.
Adnak nacyi napeŭna dziesiacihodździami, a to i stahodździami isnavali i da svajoj «ahučki». Bo lubomu składanamu arhanizmu papiaredničaje peryjad stojenaha žyćcia — zarodkavy ci karaniovy. Tamu i anhielskaja, i francuskaja nacyi ŭžo isnavali jak arhanizmy da svaich revalucyj.
Kali ž i jak adbyłosia «začaćcie» biełarusaŭ?
Pavodle śćvierdžańnia historyka Hienadzia Sahanoviča, na pačatku XVI st. pałonienyja i adpraŭlenyja ŭ Maskoviju pravasłaŭnyja žychary VKŁ nazyvali siabie nia tolki lićvinami, ale i biełaruscami.
Tady ž, na pačatku XVI st., daloka nia samy zamožny svajak Radziviłaŭ bajaryn Illinič raspačaŭ pabudovu Mirskaha zamku, jaki prasłaviŭsia nadalej suviaźziu svaich ramontaŭ dy pierabudoŭ z nacyjanalnymi kataklizmami.
1517 h. adznačyŭsia pačatkam luteraŭskaj Refarmacyi ŭ Hiermanii — utvareńniem pratestantyzmu, jaki chutka vyliŭsia za niamieckija miežy i nieŭzabavie atrymaŭ pašyreńnie ŭ siaredzinnych ziemlach budučaj Biełarusi. Mienavita pratestant, filozaf i paet Salamon Rysinski praź niekalki dziesiacihodździaŭ pieršym sa šlachty naŭmysna nazavie siabie biełarusam — adroźnivajučy svaju šmatkanfesijnuju nacyju ad čysta katalickaje Polščy j pravasłaŭnaje Rasiei.
1517 h. adznačyŭsia taksama pieršaj biełaruskaj drukavanaj knihaj Skaryny.
Prykładna ŭ tyja ž hady byli stvorany «Pruskaja vajna» Jana Viślickaha i «Pieśnia pra zubra» Mikoły Husoŭskaha.
Poŭnaściu hety artykuł možna pračytać u papiarovaj i pdf-versii "Našaj Nivy"
Andrej Mielnikaŭ
Homiel
Ciapier čytajuć
«Dyk dadomu zabiary ałkaša abascanaha i vychodžvaj». Małady zahadčyk adździaleńnia balnicy nie strymlivaje siabie ŭ vyrazach u sacsietkach16
Kamientary