Полацкі фальклорны гурт «Варган» прэзентуе дэбютны альбом з музыкай роднайзямлі. У альбом увайшлі песні і інструментальныя кампазіцыі, якія некалі гучалі натэрыторыі Полаччыны на працягу гадавога каляндарнага кола. Кружэлка прызначана для аматараў этнічнай музыкі і беларускага фальклору.
«Зялён явар, дуброва. Музыка Полаччыны» — першы студыйны альбом фальклорнага гурту «Варган». Ён змяшчае 18 трэкаў, сярод якіх песні, танцы і нават «цярэшкі». У якасці бонуса — запіс купальскай песні ад аўтэнтычнай спявачкі Алімпіяды Міхайлаўны Шчарбаковай з вёскі Шастова Полацкага раёна.
У выкананні «варганцаў» можна пачуць абрадавыя песні, прымеркаваныя да знакавых гадавых святаў, а таксама лірычныя — жаночыя ды мужчынскія. Раней песня ішла з чалавекам праз усё жыццё. Песняй сустракалі пры нараджэнні, песня дапамагала ў цяжкай працы і ў нялёгкіх жыццёвых абставінах. На кожным свяце гучалі асобныя песні, унікальныя ў кожным рэгіёне і нават вёсцы. Спявалі ў хаце, ў полі, ў дарозе.
Вясковы свет не быў глухім і шэрым захалусцем, як і людзі не былі сумнымі і заморанымі рабацягамі. Бо не працай адзінай жыў чалавек. Нашыя продкі ўмелі і любілі весяліцца. Як доказ — інструментальная частка альбома, што пераносіць слухача на сапраўдную вясковую вечарыну з танцамі. гармонік ды скрыпка, цымбалы ды бубен, дуда ды колавая ліра і, вядома ж, варган. Так, сапраўды, на дыску можна пачуць гукі гэтага старажытнага інструмента. І гэта не нейкія фантастычныя разважанні на тэму. Мала хто ведае, але ў Полацку гралі на варганах з ранняга сярэднявечча. Гэта пацвярджаюць археалагічныя знаходкі. Ды і назву гурт абраў сабе не выпадкова. Варган для спевакоў сімвалізуе своеасаблівы «партал», які дазваляе вандраваць у прасторы і часе і паглыбляцца ў гукавую стыхію мінулых стагоддзяў.
У стварэнні інструментальнай часткі альбома бралі ўдзел запрошаныя музыкі — вядомы майстар, музыка і мастак Алесь Лось (дуда, колавая ліра), а таксама Алеся Сівохіна (цымбалы).
«Наша мэта — стварыць жывы музычны вобраз Полаччыны, прапусціўшы аўтэнтычны матэрыял праз сваё сэрца, прадэманстраваць тую палітру гукаў і эмоцый, якія несла ў сабе гэтая музыка» — кажуць удзельнікі гурту. Спрабуючы дакрануцца да ўнікальнай музычнай традыцыі Полаччыны, удзельнікі гурту «Варган» імкнуцца максімальна наблізіцца да аўтэнтычнай манеры выканання і перадаць яе жывую энергетыку.
Гучанне альбома стварае атмасферу, набліжаную да палявога запісу ў час свята, вечарынкі, ігрышча. Частка кампазіцый запісвалася ў Полацку (запіс, звядзенне — Алесь Лось), частка — у Мінску (запіс, звядзенне, мастэрынг — Арцём Петрашкевіч і Валерый Бяляеў).
Дызайн вокладкі стварыла Святлана Клепікава.
Прэзентацыі альбома «Зялён явар, дуброва. Музыка Полаччыны» адбудуцца ў Полацку 6 кастрычніка і ў Мінску 14 кастрычніка.
Альбом выйшаў у межах праекта «Традыцыя», у якой раней пабачыў свет дыск «Мужчынская традыцыя спеву» і «Вясельныя песні і найгрышы вёскі Лявонпаль і яе наваколляў»
Паслухаць альбом можна тут.
-
Певица Лера Яскевич поделилась болью: «Возможно, я не смогу выпускать песни под своим именем». Что произошло?
-
Будет ли группа «Петля пристрастия» продолжать выступать с новым вокалистом, без Ильи Черепко?
-
«Все песни удалены». Популярный блогер Анджилиша поссорилась с компанией, связанной с невесткой Лукашенко
Комментарии