Грамадскія каманіі «Годна» і «Будзьма Беларусамі» прэзентавалі першыя вынікі даследавання «Каштоўнасці і нацыянальная ідэнтычнасць беларусаў». Усе вынікі будуць публікавацца цягам 2020 года.
Даследаванне праводзілася кампаніяй SATIO і складалася з трох фокус-груп, якія дапамаглі распрацаваць анкету для нацыянальнага апытання. У апытанні ўдзельнічалі 1589 рэспандэнтаў з усёй Беларусі. Апытанне праводзілася ў красавіку-траўні і супала з часам пандэміі каранавіруса, што наклала свой адбітак на адказы і ацэнку рэспандэнтаў.
Агульныя мэты даследавання: Вылучыць усё, што характарызуе беларусаў і Беларусь (рысы, падзеі, асобы, адметнасці, коды, каштоўнасці) і сфармаваць пазітыўны вобраз беларуса ў выглядзе нацыянальнай ідэі, каб папулярызаваць і пашыраць яе на ўсё грамадства.
Даследаванне паказала некалькі істотных момантаў:
— незалежна ад розніцы поглядаў, незалежнасць з’яўляецца істотнай каштоўнасцю для большасці беларусаў,
— большасць беларусаў лічаць, што дэмакратычныя правы не забяспечваюцца ў Беларусі,
— грамадства застаецца фрагментаваным, але беларусы гатовыя да салідарнасці і грамадскай актыўнасці, іх стрымлівае страх і зняверанасць.
- Вынікі вы можаце паглядзець па спасылцы ў далучаным файле тут: https://hodna.by/#section-1590251403480
- Прэзентацыя першай часткі даследавання адбылася 30 чэрвеня а 12:00. Запіс трансляцыі тут:https://youtu.be/orlsN9MGgy8
- PDF-прэзентацыя і рэліз: https://drive.google.com/drive/folders/1Au9YfSlMv2UsTI8LPgdoz9hk9UKMALQ8
Іншыя вынікі будуць публікавацца цягам 2020 года ў межах цыклу публікацыяў «НевераГодна». Сачыце за прэзентацыямі іншых частак даследавання ў сацыяльных сетках і на сайце https://hodna.by/
https://www.instagram.com/hodnaby/
https://www.facebook.com/hodnaby/
Комментарии