Biełarusy ceniać niezaležnaść, hatovyja prajaŭlać salidarnaść i hramadskuju aktyŭnaść. Vyniki nacyjanalnaha apytańnia
Hramadskija kamanii «Hodna» i «Budźma Biełarusami» prezientavali pieršyja vyniki daśledavańnia «Kaštoŭnaści i nacyjanalnaja identyčnaść biełarusaŭ». Usie vyniki buduć publikavacca ciaham 2020 hoda.
Daśledavańnie pravodziłasia kampanijaj SATIO i składałasia z troch fokus-hrup, jakija dapamahli raspracavać ankietu dla nacyjanalnaha apytańnia. U apytańni ŭdzielničali 1589 respandentaŭ z usioj Biełarusi. Apytańnie pravodziłasia ŭ krasaviku-traŭni i supała z časam pandemii karanavirusa, što nakłała svoj adbitak na adkazy i acenku respandentaŭ.
Ahulnyja mety daśledavańnia: Vyłučyć usio, što charaktaryzuje biełarusaŭ i Biełaruś (rysy, padziei, asoby, admietnaści, kody, kaštoŭnaści) i sfarmavać pazityŭny vobraz biełarusa ŭ vyhladzie nacyjanalnaj idei, kab papularyzavać i pašyrać jaje na ŭsio hramadstva.
Daśledavańnie pakazała niekalki istotnych momantaŭ:
— niezaležna ad roźnicy pohladaŭ, niezaležnaść źjaŭlajecca istotnaj kaštoŭnaściu dla bolšaści biełarusaŭ,
— bolšaść biełarusaŭ ličać, što demakratyčnyja pravy nie zabiaśpiečvajucca ŭ Biełarusi,
— hramadstva zastajecca frahmientavanym, ale biełarusy hatovyja da salidarnaści i hramadskaj aktyŭnaści, ich strymlivaje strach i źniavieranaść.
- Vyniki vy možacie pahladzieć pa spasyłcy ŭ dałučanym fajle tut: https://hodna.by/#section-1590251403480
- Prezientacyja pieršaj častki daśledavańnia adbyłasia 30 červienia a 12:00. Zapis tranślacyi tut:https://youtu.be/orlsN9MGgy8
- PDF-prezientacyja i reliz: https://drive.google.com/drive/folders/1Au9YfSlMv2UsTI8LPgdoz9hk9UKMALQ8
Inšyja vyniki buduć publikavacca ciaham 2020 hoda ŭ miežach cykłu publikacyjaŭ «NievieraHodna». Sačycie za prezientacyjami inšych častak daśledavańnia ŭ našych sacyjalnych sietkach i na sajcie https://hodna.by/
https://www.instagram.com/hodnaby/
https://www.facebook.com/hodnaby/
Ciapier čytajuć
Zorka brejkdansu ź Viciebska atrymaŭ 11 hadoŭ turmy ŭ Kitai. Što zdaryłasia?3
Kamientary