Сёньня міліцыя не блякавала плошчу і не перакрывала выхадаў з мэтро, таму доступ на пляц быў вольным. Недзе а 17.50 на плошчы зьявіліся каля 40 грамадзкіх актывістаў. Сярод прысутных былі Крысьціна Шацікава і Валер Шчукін. Большасьць удзельнікаў акцыі трымала ў руках партрэты палітвязьня Андрэя Клімава.
Недзе праз пяць хвілін зьявіліся 20 кароткастрыжаных хлопцаў, якія акружылі шчыльным кальцом удзельнікаў акцыі. Яшчэ праз тры хвіліны іх выціснулі на вуліцу Энгельса і павялі ў бок Макдональдсу.
18:03
На плошчы засталіся 50 чалавек. Зьявіўся старшыня АГП Анатоль Лябедзька, маладафронтаўцы Барыс Гарэцкі, Зьміцер Хведарук, Наста Палажанка, якую на некаторы час затрымлівалі перад пачаткам акцыі на падыходзе да Кастрычніцкай. Зьявіліся таксама спэцназаўцы, якія паспрабавалі выціснуць людзей з Плошчы.
18:10
20 чалавек, трымаючы ў руках партрэты Зьмітра Дашкевіча і Андрэя Клімава, зладзілі жывы ланцуг пэрпэдыкулярна Палацу Рэспублікі.
18:20
Міліцыянты спрабуюць адсунуць людзей ад праспэкту. Міліцыянтаў чалавек сем-восем. Патэнцыйных удзельнікаў акцыі каля 100 чалавек. Але не хапае драйву, зазначаюць разьзявакі.
18.28
На Плошчы нікога не засталося. Чалавек дваццаць выціснулі ў бок Верхняга гораду.
***
Паводле апошняй інфармацыі, абедзьве групы ўдзельнікаў давялі да вуліцы Грыбаедава і прапанавалі разыходзіцца. Паколькі міліцыя сама не разыходзіцца, то і ўдзельнікі акцыі не разыходзяцца.
У загінулай у Сляпянцы дзяўчыне апазналі Яну Кастранкову2
Каментары