Удзельнікі двухдзённага саміта Еўрапейскай рады, які адкрыўся ў Бруселі 7 лютага, не будуць абмяркоўваць беларускае пытанне і статус міністра замежных спраў Беларусі Уладзіміра Макея.Пра гэта паведаміла Мая Качыянчыч,
«Еўрапейская рада сфакусуецца на наступным доўгатэрміновым бюджэце Еўрасаюза і пытаннях „арабскай вясны“. Беларусь у парадак дня саміта не ўключана», — сказала Качыянчыч.
Паводле яе слоў, не будзе абмяркоўвацца і пытанне аб змяненні статусу Уладзіміра Макея, які на гэты момант знаходзіцца ў спісе беларускіх чыноўнікаў, якім забаронены ўезд на тэрыторыю.
«Нашы абмежавальныя меры перыядычна абмяркоўваюцца і пераглядаюцца. Але на гэты момант няма ніякіх змяненняў адносна статусу Макея», — падкрэсліла Качыянчыч.
Напярэдадні саміта ў інтэрв’ю «Радыё Свабода» дэпутат Еўрапарламента ад Літвы Юстас Палецкіс паведаміў, што падчас саміта можа быць узнятае пытанне аб выдачы ўязной візы на тэрыторыю Еўрасаюза кіраўніку беларускага знешнепалітычнага ведамства. На думку шэрагу еўрапейскіх чыноўнікаў, Макею трэба дазволіць уезд у ЕС, бо менавіта з кіраўніком МЗС трэба перш за ўсё гаварыць аб дэмакратызацыі краіны.
Нагадаем, Уладзімір Макей быў уключаны ў спіс неўязных у ЕС беларускіх чыноўнікаў 31 студзеня 2011 года. На той момант ён узначальваў Адміністрацыю прэзідэнта Беларусі.
Модная мінская кавярня «Маркс» трапіла ў скандал: адтуль папрасілі сысці жанчыну, якая малявала. Але ўсё не так адназначна21
Каментары